بو گون زهرا گلوب شور و نوایه #پیامبراسلام_شوری_تبریزی

شهادت حضرت پیغمبر اکرم (ص)
#گریز به #غارت_خیام
..
..
مرحوم شوری تبریزی
..
..
بو گون زهرا گلوب شور و نوایه
توکوب گوز یاشی آغلار مصطفایه
..
..
بو گون شیعه گلون سیز شور شینه
سالون فریاد و ناله مشرقینه
ورون سیز تسلیت اوغلی حسینه
همی باش ساقلقى خیر النّسایه
..
..
بو گون زهرا اولوب زار و مکدّر
باتوب یاسه تمام آل پیمبر
مدینه شهرینی ایلوبله محشر
چخوب ناله سسی عرش خدایه
..
..
بو گون رحلت ایدوب ختم رسالت
تاپوب جرأت بو گون اهل ضلالت
اولوب خانه نشین شاه ولایت
گلوبدور نی کیمی شور و نوایه
..
..
بو گون جنّ و ملک یکسر سیزیلدار
گلوبدور نالیه گوگلر سیزیلدار
پریشان حال اولوب حیدر سیزیلدار
مصیبت یوز ویروبدور انبیایه
..
..
پیمبیردن صورا یاران بو امّت
ایدوب اولادینه چوخ هتک حرمت
یتوب خیر النّسایه چوخ مصیبت
دوشوبدور ظلمیله دام بلایه
..
..
اساس ظلمی دشمنلر قوروبلار
جهانی شیونیله دولدوروبلار
حریم کبریایه اود وروبلار
تاپوب روبَه لر اَل شیر خدایه
..
..
یتیشدی عاقبت ایش بیر مقامه
یتوردی اهل کین ظلمین تمامه
اولوب توهین اول شاه انامه
یتوب غم شهریار هل اَتی یَه
..
..
قالوب بیر سمتده خاتون محشر
اویاندا خردا قزلار ناله ایلر
اولوب قلب حسین زار و مکدّر
ویروب یوز محنت و غم مجتبایه
..
..
گلوب گوگلوم بو یرده چوخ ملاله
بساط کربلا دوشدی خیاله
آچوب گوز بیر باخون یاران او حاله
ویروب سعد اوغلی فرمان اشقیایه
..
..
او دم یوز دوندروب لشگر خیامه
یتوب شمر لعین عین مرامه
ویروب بیر نحویله ظلمین تمامه
حرملر ناله سی چخدی سمایه
..
..
دگو بدور بیربیره عورت اوشاقلار
قالوب آتلار دوشونده آل اطهار
یانار اوددا قالوب سجّاد بیمار
بو دنیا تنگ اولوب آل عبایه
..
..
وفاسی یوخدی «شوری» بو جهانون
یوزی هیچ گلمدی آل عبانون
نقدر واردی بو جانونده جانون
سیزیلدا آغلا شاه کربلایه
..
..