بو اوجا سرو قامت علی جان #اکبریه_اخگر_مراغه_ای

زبانحال حضرت رقیّه در وداع علی اکبر (ع)
..
..
اخگر مراغه ای
..
..
بو اوجا سرو قامت علی جان
ایلیوبدور قیامت علی جان
..
..
ای رقیّه فدا بو جماله
نقش حسنون چاتوبدور کماله
چاتماسون گول جمالون زواله
سنده وار استقامت علی جان
..
..
ای حدیث محبت صفاتی
بو وجودیمده عزت حیاتی
هجری لرزان ائدن کائناتی
درد دلدن علامت علی جان
..
..
چاتمادور قاره قاشلار آراسی
کاش گله سینه مه هر قاداسی
خاک پایون گوزوم توتیاسی
ایله بیر آز اقامت علی جان
..
..
ای کتاب محبت جمالی
قاره قاشلار کشیده هلالی
گلسه بو سرو قامت یارالی
قالمارام من سلامت علی جان
..
..
ای رقیّه بو رخساره قربان
گورمدیم گل یوزون بیر دویونجان
آیرلقدان اولور دیده گریان
ای مرید امامت على جان
..
..
پر آچوب شمع حسنونده یانّام
باشیوه حسرتیله دولانّام
سایه وه ایندی بیر دالدالانّام
ای سراپا شهامت على جان
..
..
سن منیم باوفا قارداشیمسان
یوزده جاری اولان گوزیاشیمسان
مونسم سن سفر یولداشیمسان
«اخگره» ائت کرامت علی جان
..
..
#اکبریه #اخگر_مراغه_ای #اکبریه_شهادت #ترکی #زبدةالاشعار