حالات معصوم هفتم، امام پنجم، حضرت امام محمد باقر علیه السلام
#گریز به #قتلگاه
.
.
.
مرحوم انور ادربیلی
.
بو خبر که خامه یازدی معتبر اخباریدن
مطلبی آرسته قیلدی کسوت اشعاریدن
نقل اولوبدور جابر عبداللهی انصاریدن
ایلیور شخصاً روایت احمد مختاریدن
حضرت خیرالبشر پیغمبر اخیاریدن
.
قیلدی فرمایش منه صدّیق اعظم مصطفی
پیشگولوق ایلدی یعنی او فخر انبیا
حق تعالی عمر طولانی سنه ایتمش عطا
ساخلا فکرونده بو عنوانی نشان مدّعا
موقعنده آل نتیجه ایتدیگیم گفتاریدن
.
درک ایدرسن هفتمین معصومی ای جابر یقین
جدینه همنام اولار اول حجت جان آفرین
باقر رمز علوم اولین و آخرین
وارث شایستۀ اوصاف زین‌العابدین
مشرق علمی مشعشع مطلع انواریدن
.
مسند پاک امامتده اودور پنجم امام
درس آلار زیبا کلامیدن اونون اهل کلام
بیر سفارش ایلورم گورمک همین قیل احترام
محترم دوت مقدمین ویر اوغلوما مندن سلام
آل رسول‌اللهون عطرین اول گل بی‌خاریدن
.
هجرتون پنجاه و هفتی سوم ماه صفر
ویردی ترتیب اثر فرمایش خیرالبشر
حضرت سجاده لطف ایتدی خدای دادگر
نور ابن‌الخیّرین تابان اولوب وقت سحر
نور آلوب بیت امامت اول ملک رخساریدن
.
چار سالیدی او نور دیدۀ زین العبا
واقع اولدی کربلاده انقلاب کربلا
کوفه و شامی گزنده عترت خیرالورا
هر یری فوج اسیرانیله گزدی جابجا
گوردی چوخ ظلم و شکنجه اهل استعماریدن
.
دام جور و ظلمه دوشدی مثل نخجیر آغلادی
لوح قلبه غم سطورین قیلدی تحریر آغلادی
گه آناسین درک ایدوب محزون و دلگیر آغلادی
گه آتا بوینوندا باخدی گوردی زنجیر آغلادی
گه گلایه ایلدی دنیای کج رفتاریدن
.
زحمت ویرانه دن قورتاردی آل اللهیله
دست و پنجه نرم ایدوب یولّاردا رنج راهیله
رشد ایدوب شهر پیمبرده جلال و جاهیله
مکتب سجادی درک ایتدی دل آگاهیله
کرسی حقده بصیر اولدی اولوالابصاریدن
.
هجرتون دوخسان بشی رحلت ایدوب زین العباد
صاحب اولدی مسند پیغمبره اول خوش نهاد
سینۀ علمی شکاف ایتدی امام پاکزاد
عصرینون دانالری تحصیل ایدوب اوندان مراد
گوهر حکمت یاغوبدور کنز گوهر داریدن
.
حیف اولا افسوس اولا هم عصردی هشّامیله
صبح صادق روبرو اولموشدی گویا شامیله
یول گیدر ظالم همیشه مسلک ظلامیله
اینجدور وارسته شخصی ناروا اقدامیله
غول استبداد ال چکمز بلی احراریدن
.
شامه جلب ایتدی امام باقری هشام دون
قویمادی دربارینه اوچ گون او نامرد زبون
نقطۀ حقی گورنمز فرقۀ لایبصرون
بی‌خبردور عالم عقل و تعمّقدن جنون
زاغ سیرت بهره‌مند اولماز گل و گلزاریدن
.
نقل ایدور بعضی کتب زندانی ایتدی حضرتی
بعضی مخبر آیری نحویله یازور کیفیتی
حضرت باقرده گوردی فوق‌العاده قدرتی
ساخلاسا فکر ایلدی الدن گیدر حیثیتی
یثربه قیلدی روانه لاجرم درباریدن
.
زادگاهنده جفادن گورمدی خوش گون امام
والی یثرب ولیدون اوغلی ابراهیم نام
مهرۀ هرز شقاوت عنصر فاسق مرام
زهریله ناکام ایدوب عصرون امامین آلدی کام
زنگ ظلمین سیلمدی آئینۀ زنگاریدن
.
الّی یدی سِنّدِیدی باقرِ آلعبا
بستر مرگه یخوبدور شدّت سمّ جفا
رنگ گندم گونی اولدی زهردن نیلی نما
گوز یوموب دنیای پرآشوبدن اولدی رها
آسمانه قوزانوب شیون در و دیواریدن
.
جان ویرن وقته وصیّت قیلدی اوغلی جعفره
غسل ویر اوغلوم کفن ایله بو نیلی پیکره
عامل تدفینیم اول شخصاً درست ایت مقبره
تیره تپراقی ایلیکه جمع قیلدون بیر یره
قبریمون اوسته سو توک شاد ایت منی اذکاریدن
.
بیرده ای جعفر وصیت ایلورم شخصاً سنه
حجّ وقتی مجلس ترحیمیمه ویر دامنه
وقف ایله بیر قسم اموالیمدن آه و شیونه
آغلاسون اون ایل مناده آغلیان گوزلر منه
سرگذشتیم تا فراموش اولماسون افکاریدن
.
وار یری گلسون بیانه بزمیده اهل عزا
عرض قیلسون ای اباجعفر امام مقتدا
جان ویرن ساعتده سن ایتدون وصیت برملا
ثروتوندن اوغلون اهل ندبیه قیلسون عطا
بهره‌مند اولدون ئولنده ثروت سرشاریدن
.
عالمون حالین پوزوب مظلوم حسین حالتی
جدّوون گرچه سلیمان تک واریدی حشمتی
راضی اولدی کهنه بیر پیراهن اولسون خلعتی
زینب عَمّوندن آلوب گیمشدی آخر ساعتی
دست غارتگر چخارتدی پیکر خون باریدن
.
ئوز عمامون باشدا سن جسمونده گتدون اوچ کفن
قالدی مقتلده ولی جدون بدون پیرهن
چگننه تابوتوی آلدی سنون اهل وطن
کربلاده اولمادی جدون حسینی دفن ایدن
آغلادی قوشلار گچنده صحنه کشتاریدن
.
کامه یتدی کوفه‌نون وحشی صفت انسانلاری
بی‌کفن قالدی خلیل عشقیله قربانلاری
تربت خونین آلوب آغوشینه عریانلاری
شبنمی اوستنده گزلتدی گل خندانلاری
گلدی گل صاحبلری قان آغلادی دیداریدن
.
ابن سعدون ناروا فرمانین اجرا ایتدیلر
خط سیر ظلمی سیر ایلوب مراده یتدیلر
دوغرانان پیکرلر اوسته آت چاپوب اینجیتدیلر
سالدیلار ابدانی عریانی نه حاله گتدیلر؟
من دیه بلمم خبر دوت نعلیدن مسماریدن
.
دورد ائمّه«انورا» یثربده که مسموم اولوب
زندگانلوق گونلری آلامیله مختوم اولوب
گُلمیوبدور یوزلری هر دوردی دل مغموم اولوب
عمده بیر نسکل بودور مرقدلری مظلوم اولوب
ثاننون قومی نه ایستور بُلمورم زواریدن
.
#باقریه_شهادت
#بو_خبر_که_خامه_یازدی_معتبر_اخباریدن
#انور_اردبیلی
#مردان_جاوید_انور
#ترکی
#زبدةالاشعار
نظر دهید