بو خرابه شامه مهمان آتام اوغلی خوش گلوبسن #خرابه_شام_نادری

خوش آمد حضرت زینب (س)به سر مطهر امام در خرابه شام
..
..
مرحوم نادری میانجی
..
..
بو خرابه شامه مهمان آتام اوغلی خوش گلوبسن
بیزی یاد ایدوب سن عطشان آتام اوغلی خوش گلوبسن
..
..
نه عجب صفا ویروبسن بومکانه شاه دوران
اولا کاش ذبح ایدیدوم بو یارالی باشه قربان
ئوزون عفو قیل باغیشلا بیزی غارت ایتدی عدوان
سنه زینبوندی قربان آتام اوغلی خوش گلوبسن
..
..
اوجا قصردن چخوبسان ایده سن حسین سیاحت
قوری یردی گرچه قارداش بیر آز ایله استراحت
سنی خسته ایتدی دشمن منیده ایدوب خجالت
اولا شام شهری ویران آنام اوغلی خوش گلوبسن
..
..
گجه گون چخوبدی سیره گر ایشیقلانوب خرابه
صول و ساقه چوخ باخورسان ئوره گیم دونور کبابه
هانی قارداش اوخلی اصغر ویرک اودلانان ربابه
بو خرابیه پریشان آتام اوغلی خوش گلو بسن
..
..
بله رسمدور جهاندا گوروشه چخاندا شاهلار
ساقنا وزیر جنگی صولونا دوشر علمدار
هانی بس وزیر جنگون هانی قاسم وفادار
نه قشون وارون نه عنوان آنام اوغلی خوشگلوبسن
..
..
ئولوب آلتی قارداشیم گر گینه ده باجی دیوللر
بو خرابه شامون اهلی سوزی چوخ آجی دیوللر
منه زنگبار اسیری ؛ سنه خارجی دیوللر
بیله بی حیادی عدوان آتام اوغلی خوش گلوبسن
..
..
بیزی سرفراز ایدن شه ئورگیم رضادی سندن
نچه گوندیکی رقیّم سنی ایستیوردی مندن
اونی بیلموری ستملن باشون آیریلوبدی تندن
گجه گوندوز اولدی نالان آتام اوغلی خوش گلوبسن
..
..
قلم الده نادری یاز او شه یتیم نوازه
متوسّل اول همیشه او شهنشه حجازه
اودی دینی ایتدی زنده اودی جان ویرن نمازه
اولوسان منه نگهبان آتام اوغلی خوشگلوبسن
..
..
..
#خرابه_شام #نادری #ترکی #زبدةالاشعار