خروج کاروان امام حضرت حسین (ع) از مدینه
.
#زبدةالاشعار
.
: @nohe_torki
.
مرحوم صافی تبریزی
.
بو گون باغ رسالتدن حسین تک بیر گل آیریلدی
یانینجا دوشدی شیرین دل سکینه بلبل آیریلدی
.
.
اوزین قید علایقدن ایده ایستردی آزاده
ازل گون ایتدیگی عهدین سالوب شاه جهان یاده
او عهده دل وئروب جمله خبر ویردی او اثناده
ضیافتخانۀ عشقه گوتوردی بیر ائل آیریلدی
.
.
حسینون شورینی گورجک مدینه دولدی شوریله
بسان طور اولوب یثرب جمال الله نوریله
حضورین درک ایدن تاپدی شرف فیض حضوریله
گورن دنیا و عقباده آلوب کام دل آیریلدی
.
.
عیالین باشنه یغدی بلانی ایلدی قسمت
تمام انبیا چکدی او طرح قسمته حسرت
ولی صغرا او قسمتدن وطن ملکین بولوب غربت
بلا بیمارینه هجران اُطاقی منزل آیریلدی
.
.
نکات عشقی فاش ایتدی که قیلسون عترتین ارشاد
فدای دین اولوب ایتسونله آخر منزلی آباد
جوانان بنی هاشم شعفدن چکدیلر فریاد
فدا اولماقا بیر دسته پریشان کاکل آیریلدی
.
.
حسین آیریلدی یثربدن گیده بزم وفاسینه
چکه احبابدن ال جان ویره جانان رضاسینه
ریاست کوفه دن شمری سالوبدور ری هواسینه
گوتوردی نیزه و خنجر او شاهه قاتل آیریلدی
.
.
بو آیریلماقدا چون زینب مساعد گوردی اوز بختین
سویوندی توکدی جسمیندن علایقدن دولان رختین
تدارک گوردی گوز یاشین گوتوردی نالۀ سختین
بلا آلماقلقا اولدی سوار محمل آیریلدی
.
.
دوشوب عبّاس شوقیله قباقه مهر رخشان تک
الینده بیدق طاعت باسوب آغوشنه جان تک
سرشگ دیده سین گوزدن توکردی ابر نیسان تک
سپهر ملک عزّتدن او بدر کامل آیریلدی
.
.
علی اکبر چخوب گون تک ایدوب دنیانی نورانی
سالوب زلفین یوزه ایلوب پریشان حال لیلانی
بولوددان ایستدی چکسون کناره ماه تابانی
دگوب باد صبا زلفی یوزندن تل تل آیریلدی
.
.
پریشان زلفی تک لیلا پریشان ایلدی گوگلین
بیله قان آغلادی آغلار گوزی قان ایلدی گوگلین
خیال روی اکبرله گلستان ایلدی گوگلین
اوغول فکرین خیال ایتدی چو مرغ بسمل آیریلدی
.
.
امامه ظاهر اولموشدی بیر آیری نکتۀ مستور
بیلوردی کربلاده وار بیری نمرود دن مغرور
سوسوز اوخلانماسا اصغر اگر گلمز اله منظور
گوتوردی اصغری بیلدی بو فیضه قابل آیریلدی
.
.
اگرچه «صافیا» قلبون سنون چوخ صاف و روشندور
او روشن قلبوه دست معاصی ظلمت افکن دور
حسین کان کرمدور چاره آل بو سوز معیّن دور
بو گون باغ رسالتدن حسین تک بیر گل آیریلدی
.
.
#خروج_مدینه_صافی_تبریزی
#بو_گون_باغ_رسالتدن_حسین_تک_بیر_گل_آیریلدی
#ترکی
.
#زبدةالاشعار
.
: @nohe_torki
نظر دهید