ذکر از اسب افتادن امام حسین علیه السلام
.
✍️ زبدة الاشعار ✍️
?: @nohe_torki
.
مرحوم میرزا عبدالوهاب حقیرخویی
.
#ذوالجناح اوستن یخیلدی سبط پیغمبر یره
سجدیه قویدی جبینین حجت داور یره
.
دوشدی چون فرش تراب اوسته عزیز بوتراب
سویلدی عرش برین یالتنی کنت تراب
عرشیدن فرشه گلوب روح الامین با صد شتاب
نعشینی آغوشه چکدی فرش ائدوب شهپر یره
.
بیربیره دگدی نُه اطباق فلک نیسان عرش
قالدی گردون گردشیندن تیتره دی ارکان عرش
هول و وحشتدن سراسیمه اولوب سکّان عرش
آز قالوب بیردن توکولسون رعشه دن گوگلر یره
.
مو پریشان حوریانِ قصر فردوس جنان
دیده گریان ساکنان ذروۀ نُه آسمان(1)
زمرۀ کرّوبیان خیل ملائک قدسیان
صف به صف گوگدن نزول ائتدی ملائکلر یره
.
کشتی نوحه وئرن گرداب طوفاندان نجات
موجۀ بحر بلاده غرق اولوب سفن النّجات
مرکز غبرا اولوب فُلک فلک تک بی ثبات
ناخدای کشتی امکان سالوب لنگر یره
.
قالدی اوچ ساعت نجومی غشوه حالینده امام
عالم حیرتده قالدی عالم امکان تمام
غشوه حالیندن گلوب هوشه آییلدی اهل شام
قتلینه سرکرده لر آتدان دوشوب یکسر یره
.
قرخ نفر سرکرده بیربیر قتلینه ائتدی هوس
هر گلن باخدی قیتدی خوفدن تنگه نفس
ناگهان یتدی سِنان الده سَنان ابن انس
گوردی قان ایچره دوشوب دردانهٔ حیدر یره
.
آشکار ائتدی سَنان برهان مقطوع الوتین
دسته لردن آیریلوب اثبات ایچون شمر لعین
گوتدی باشیندن او دم تاج شرف روح الامین
ووردی هولیندن امین وحی حق افسر یره
.
قویدی صندوق علوم کبریا اوسته قدم
طرح موجوداته نقّاش ازل خطّ عدم
نقش ائدوب نفخ ایمدی گویا صوره اسرافیل اودم
آشکار اولدی گمانا شورش محشر یره
.
شش جهتدن قبّهٔ افلاکه دوشدی ولوله
قصد ائدوب شاهی آلاندا شمر دون خنجر اله
تیتره دی گوگلر قویوب یرلر بنای زلزله
دوشمدی شمرین الیندن بس ندن خنجر یره
.
بسکه اول بی رحم خونخوارین دولوب قان گوزلرین
بوسه‌گاه مصطفایه قویدی خونین خنجرین
خنجر بیدادیله آزرده قیلدژ حنجرین
حلق پاکیندن اولوب جاری دم اطهر یره
.
باشی اوسته باش آچوب باشه ووراردی اولیا
سینه چاک و دیده گریان بیر طرفده انبیا
بیر طرف عمّامه لر الده گروه اوصیا
یوز قویوب پابوسینه کلّاً پیمبرلر یره
.
جلوه گر اولدی جدا اوسته باشی چون آفتاب
گون دوتولدی شرمیدن دوتدی یوزه خونین نقاب
دمبدم اوضاع عالمده گوروندی انقلاب
متّصل گویدن یاغاردی خون و خاکستر یره
.
بام عرش اوسته مناجاته چخوب روح الامین
سسلدی یا قوم قد قتل ابن خیرالمرسلین
تشنه لب کسدی حسینین باشینی شمر لعین
نیزیه ووردی دوشوبدور پیکری بی سر یره
.
خیمه گهده آل پیغمبر چکردی انتظار
تا او سس زینب قولاقینه یتیشدی آشکار
یوز قویوب میدانه چخدی خیمه دن بی اختیار
غشّ ائدوب ناگه یخلدی زینب مضطر یره
.
خامهٔ آتش فشان اولدی«حقیرا»خونفشان
جوش ائدوب نوک قلمدن قطره قطره آخدی قان
اشک خونین دیده سیندن صَفْحیه اولدی روان
تیتره دی ال دوشدی الدن خامه و دفتر یره
ـــــــــــــــــ
(1)ذروه :کلبه
.
#حسینیه_شهادت
#قتلگاه
#ذوالجناح_اوستن_یخیلدی_سبط_پیغمبر_یره
#حقیر_خویی
#ترکی
.
✍️ #زبدةالاشعار ✍️
?: @nohe_torki
نظر دهید