اربعین
.
✍️ زبدة الاشعار ✍️
.
?: @nohe_torki
.
مرحوم میر محمود آقا شوری تبریزی
.
بو گون زینب یتشدی کربلایه
اوجالدی ناله سی عرش خدایه
.
بو گون شش گوشه قبری تاپدی زینب
باسوب آغوشه یتدی مدّعایه
.
دئدی قارداش اماندور دور ایاقه
نوازش ایله بیر بو بینوایه
.
گئدوب گزدیم دولاندیم هر دیاری
گئنه گلدیم بو دشت پربلایه
.
بو گون زینب دوتوب ماتم حسینه
دونوبدور کربلا ماتم سرایه
.
آلوبدور دوره سین اولاد حیدر
گلوبدور جمله سی شور و نوایه
.
چاتوبلا باش باشا عورت اوشاقلار
آخور گوز یاشلاری خاک شفایه
.
بو گون بزم عزا زینب قوروبدور
گلون شیعه گئداخ بیزده عزایه
.
دئسون زینب حسین وای بیز آقا وای
دوتاخ ماتم ذبیحاً مِن قَفایه
.
خانملار نوحه و نُدبه ائدنده
کُمکلیق ایلیاخ آل عبایه
.
بو گون لیلا تاپوب اکبر مزارین
اوغول وای ناله سی چخدی سمایه
.
دیر گلدی اوغول بیچاره لیلا
دو خوش گلدون ایله بو مبتلایه
.
علی سندن صورا بو بخت قاره
اولوبدور دستگیر اهل جفایه
.
بو گون آغلار دیَر اصغر آناسی
گوروم لعنت گله دارِ فنایه
.
علی یاخشی منی آغلار قویوبسان
قالوب حسرت آنان سن تک بالایه
.
بالا یاندیم گورنده قانلو باشین
ووروبدور حرمله نوک جدایه
.
بو گون داماده سویلر نوعروسی
عم اوغلی راضی اولدوم هر قضایه
.
باشون آردینجا گِئتدیم شامِ شومه
یتیشدیم مجلسِ آل زنایه
.
یزیدون مجلسینده من عم اوغلی
دچار اولدوم بیر اؤزگه ماجرایه
.
بو گون عبّاس قبرین تاپدی کلثوم
دئدی قارداش عجب یتدون هرایه
.
اؤزون وئردون سوسوز جان راحت اولدون
اسیر اولدی باجون شمر دغایه
.
منی شمر لعین چوخ اینجیدوبدور
گله لعنت گوروم اول بی حیایه
.
بو گون «شوری» حسینه اوخشا آغلا
سیزیلدا نی کیمی گل سن نوایه
.
که بلکه قسمت اولسون اربعینی
گَلَن ایل بیز گئداخ کرب وبلایه
.
دوتاخ ماتم حسینه کربلاده
یتاخ بیز آرزوی منتهایه
.
.
.
.
#سبک_کجایید_ای_شهیدان
#سبک_جوشی_زنجیر و …
.
.
#اربعین
#بو_گون_زینب_یتشدی_کربلایه
#شوری_تبریزی
#ترکی
.
✍️ #زبدةالاشعار ✍️
.
?: @nohe_torki
نظر دهید