بو گون ولی خدا ترک ائدیبدی دنیانی #حیدریه_فریدی

شام غریبان حضرت علی (ع)
.
.
حاج علی اصغر فریدی
.
.
بو گون ولی خدا ترک ائدیبدی دنیانی
سالیب فراق اودونا اهلبیت طاهانی
.
.
وئریبدی غسلونی گؤز یاشلی مجتبای حلیم
ائدیب ملول کفن پوش او شاه والانی
.
على جوانلاری گؤز یاشلی دل شکسته ملول
وداع ائدیبدیلر بیلمم نئجه او مولانی
.
حسن باخاردى حسینه تؤکردی گؤز یاشینی
او باخماقیله پوزاردی او ماه سیمانی
.
حسین سالاردی نظر مجتبایه حسرتیله
یواردی گول یوزینی اشک چشم گریانی
.
قوجاقلاشوب ایکی قارداش دئیر دیلر بابا وای
فغانه گتدیله معناده روح زهرانی
.
باخاردی هر ایکی قارداشینه خانم زینب
یخاردی عرشی یانان دلدن آه سوزانی
.
دئیردی جانیزا بو زینبیز اولا قربان
بو دل شکستیه رخصت وئرین بو بیرآنی
.
گلیم اؤپوم بابامین باشینی قیلینج یاراسین
دئییم بو یارووه قربان بو زینبین جانی
.
باشی یارالی اورک غصه لى گئدیر قبره
دؤزوب جفالره ترک ائیله ییب بو دونیانی
.
بؤیوک کچیک قارشیب بیربیره فغانیله
سالیبلا لرزیه بو غمده عرش رحمانی
.
حسن تسلّى وئریردی علی جوانلارینا
حسین محبّتیله رام ائدیردی نسوانی
.
او دمده گؤردوله گؤز یاشلی حضرت عباس
قوجاقلیوبدی ایاق سمتدن اومولانی
.
دئییر بابا سنی بیزدن آییردی امر قضا
جری اولار بیزه سنسیز بو دشمن جانی
.
گورون نه عالم ایدی دودمان حیدرده
نه دیل دییر نه قلم شرح اندر او اوضانی
.
او گئجه نصف شب اولدی یاتیب هامی گؤزلر
ملال و محنت و غم دوتدی کون و امکانی
.
گؤروب امام حسن چاره یوخ گئجیله گرک
یئتیره قبر ائوینه تا علیّ اعلانی
.
او نقش اصلیبی تابوته قویدولار حسنین
بولنمیرم نییه بو عالم اولمادی فانی
.
گئجیله گؤتدوله اوگول جنازه سین یئردن
او شاه دین اؤزی ائتمیشدی بو وصایانی
.
نجفده دفن ائله ییب قبرین ائتدیلر پنهان
بو قصّه الدن آلیر طاقت و توانانی
.
قایتدیلار ائوه شهزاده لر پریشان حال
سپرده ائتدیله توپراقه شاه مردانی
.
تصور ائیلمه بیر قالدى عترتی باشسیز
نه تک فغانه گتیردی بنات زهرانی
.
چوخ ائولری او گئجه ائیلدی عزاخانه
اوجالدی چوخلارینن عرشه داد و افغانی
.
بو گئجه چوخلارینون قالدی گؤزلری قاپیدا
غذاسی چوخلارینین اولدی هم جگر قانی
.
بوگئجه کوفده آج قالدی چوخ یتیم بالالار
…
.
چوخ ائولرین بو گئجه اولمادی بیلن حالین
بو گئجه چوخلارینین دولدی چشم گریانی
.
علینی بو گئجه چوخ خانواده لر تانیدی
غذالرین یئتیرردی نچونکه کتمانی
.
چوخ ائولرین بو شه دیندی پرستاری
وئردی چوخلارینا آب و نان و خرمانی
.
تراب تیره غرض مرتضایه بستر اولوب
بو ماجرا گتیریب داده پیر برنانی
.
توتولدی گوش فلک بانک واعلیّادن
اولاندا کونده برپا شب غریبانی
.
زنان کون گییب قاره گلدیلر یاسه
گلن آرایه آلیب زینب پریشانی
.
گلن تسلّى وئریب اهلبیت اطهاره
اورکلریندن آزالسین غم فراوان
.
بلی بو رسمدی هر کیمسنین عزیزی اؤله
گلر عزاسینه گؤز یاشلی خویش و اعوانی
.
هزار حیف ولی کربلا دیارینده
حسینین اولمادی نعش اوسته بیرنواخانی
.
بلالی عترتینی پیکر اوسته قویمادولار
دویونجا آغلاماقا شام و کوفه عدوانی
.
اولوبدی غسلی قیزیل قانی خاک خون کفنی
قویان تاپولمادی قبره او جسم عریانی
.
فریدی آغلادار عصرین امامینی هرآن
دوشنده یادینه بو کربلا سلیمانی
.
#حیدریه #فریدی #حیدریه_شهادت #حیدریه_شام_غریبان #ترکی #زبدةالاشعار