آی دیر آدین
.
#زبدةالاشعار
.
: @nohe_torki
.
علی شهودی
.
بیرقارانلیق گئجه ده آی کیمی آشکاردیر آدین
نقدر واردی وفا آیه لری واردیر آدین
.
بیزیم ائللرده مقدس آدینا آندایچیلر
کی بوتون دوزلوگه اوزگورلیگه ایلقاردیرآدین
.
سنی بایراقلار اسن یئرده سالار یاده هامی
علمی قانه باتان آدلی علمداردیر آدین
.
اود،او گون کی دوداغین ووردو فراتین سویونا
نفسی اولدورمگه اوندان بری معیاردیر آدین
.
کیم چاغیرسا سنی امداده چاتارسان دادینا
کی یامان گونده بوتون شیعه لره یاردیر آدین
.
ای سالان یاده علی رزمینی آیادئه گوروم
کی ابالفضل دی یا حیدر کراردیر آدین
.
کرم و جود سنیلن تاپیب ائللرده رواج
ای اباالفضل ،کی هم معنی ایثاردیرآدین
.
دیله گلدیکجه آدین قلبی طراوت بورویور
جنتین شاخه لریندن آسیلان باردیرآدین
.
او اوزون قوللارا قربان اولا عالم عباس
کی باجین زینبه یوللاردا هواداردیرآدین
.
شاعرا ! بیت تخلص ده گتیرمه آدووی
کی”اباالفضل”اولان یئرده سنین عاردیرآدین
.
.
#عباسیه_علی_شهودی
#عباسیه_مدح
#بیر_قارانلیق_گئجه_ده_آی_کیمی_آشکاردیر_آدین
#ترکی
.
#زبدةالاشعار
.
: @nohe_torki
نظر دهید