زبدةالاشعار

کوچ ایدنده کوفیه کاروان کربلا

کوچ از کربلا
.
✍️ زبدة الاشعار ✍️

?: @nohe_torki
.
مرحوم یحیوی اردبیلی
.
کوچ ایدنده کوفیه
کاروان کربلا
گتدی زینبی دله
ساربان کربلا

.
سسلدی علی قیزی ناقیه گل اول سوار
گلدیگون زمان کیمی یوخدی تخت زرنگار
یدّی قارداشون هانی،ایلیوردون افتخار
سالدی فخریدن سنی قاتلان کربلا

.
قارداشون حسین نولوب بو یره قویا قدم
صاحب علم هانی تا گلوب آچا علم
هر ایکی اوزون قولون ایلیوبدولر قلم
سو کنارینه دوشوب مرزبان کربلا

.
اکبری چاغور انیس اولسون ایندی لیلیه
تاپ علی اصغری یولداش ایت سکینیه
قاسمون گلوب سنه سسلینده جان دییه
گور بو چولده کیمدولر کشتگان کربلا

.
حکم ایدوب بیزه امیر سنده گل قبول ایله
ناقیه تیز اول سوار دوشدی لنگه قافله
اولما منتظر خانم پرده پوش محمله
اولسادا شکسته دور محملان کربلا

متن پیشنهادی:  لحظه ها را با چه سختی بگذراندم هفت روز #هفتم_شهدا #حضرتی_هاتف

.
ایسته سون حسین باشین کیمدی تشنه ذبح ایدن
شمر یدّی ضربته کسدی پشت حلقدن
ویردی خولی نیزیه عصردن صورا دونن
گیتدی شهر کوفیه ارمغان کربلا

.
چوخ مصیبتون هله وار قباقدا آغلاما
یولدان ایتمه بی جهت کاروانی ساخلاما
وقت تنگیدور بلا دفترین وراقلاما
ایندی قهریلن گلور حکمران کربلا

.
زینبی دانیشدیروب ساربان شماتتی
ایلدی مخاطب اول معدن شقاوتی
سن چکیل کناره دور ایتمه بو جسارتی
ایلیور بیزه کمک سالکان کربلا

.
ای لعین حیا ایله ویرما تیر طعنه نی
چکمه بیر مقامه تا خشمناک ایده منی
آهیمله اودلانا عرش و فرش خرمنی
اودلانوب نجه یانوب گلستان کربلا

متن پیشنهادی:  ای ارض طوس سنده عجب دلربا یاتوب #رضویه_سعدی_زمان

.
بنت شاه لافتی هم رشیده حرم
دست پروریده خیره النسا منم
سری وار اسیر اولوب هر بلایه صبر ایدم
ایتمسون سیزی جری داستان کربلا

.
پوزموسوز اگر منیم ظاهرا تفاقیمی
قطعه قطعه دوغرادوز گرچه خول بوداقیمی
باطنا گورنموسوز عز و طمطراقیمی
قدسیان مقامی دور بو مکان کربلا

.
یاندی دودمانیمیز ظلم الیله برملا
دست حق ایدر بیزه عالی دودمان بنا
زاده امیه نون عزتی اولار فنا
عرشه فخر ایدر ولی دودمان کربلا

متن پیشنهادی:  گل هرایه آنا اماندی #صادقیه_رستگار_حسنی

.
فاطمه آنام گلر ایندی آه و زار ایدر
زیر پایه تکیه گاه دیزلرین قرار ایدر
بو سنق کجاویه زینبین سوار ایدر
هم حسینچون اودور پاسبان کربلا

.
قوی اوپوم حسینمون بیرده حلق اطهرین
تازه دن خضاب ایدوم زلفه خون احمرین
یاغدیروم بو عرصیه ابر دیده مون ترین
ایچسون اشگ ماتمی تشنگان کربلا

.
“یحیوی “حسین غمین ایله نظم یاز کتاب
بیته بیت جنتی لطف قیلسون اول جناب
هر طوافینه نجه یتمیش حج آلور ثواب
قبه حسین دن زایران کربلا

.
#سبک_مسلمون_شهادتی (5 سبک)

.
#کوچ_کربلا
#کوچ_ایدنده_کوفیه_کاروان_کربلا
#یحیوی_اردبیلی
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی