اربعین
.
✍️ #زبدةالاشعار ✍️
.
🆔: @nohe_torki
.
مرحوم حاج محمود (رهبری تبریزی)
.
بیر بلبلم صفالی گلستانه گلمیشم
عشق آتشینده یانماقا پروانه گلمیشم
دردیم دواسی دردیمه درمانه گلمیشم
ای تربت شریفی حقیقی دوا منه
حاذق طبیب عشق اوزون ویر شفا منه
.
.
حجّاج عزم ایدلله خدا بیتینه هر ایل
اول آستانه دردی اولانلار دوشر دخیل
منده امیدیلن ایدرم گوز یاشین سبیل
زینب فدا بو قبریوه ای شاه کربلا
باش قبریدن گُتور ایله سن دردیمه دوا
.
.
سعی وصفا ایدنلراوگون بیر قدر قاچار
اشکی آخار عذاره اولار مِحنته دُچار
زینب ده قبرون اوسته قارا معجرین آچار
مستور اولان اورکده هامی غم لرین دوشر
شش گوشه قبرون اوستونه قرا معجرین دوشر
.
.
حجّاج ایدنده عزم وطن عزّت آختارار
شرح زیارتین دیه هم صحبت آختارار
زینب اورک غمین دیماقا فرصت آختارار
شرح ایلویر بلالی باشین هر بلاسینی
ویرانه شامیده بالاون ماجراسینی
.
.
عزّت لباسینی ره دین اوسته سویموشام
هرگز دیمز باجون من حسین جان یورولموشام
ویرانه ده رقیّه وی من قبره قویموشام
ویرانسراده صبح و مسا چکموشم مِحَن
اوز کوینگون گوزوندن ایراق ایتموشم کفن
.
.
آکاه سن حسینیم هامی سرّدن اوزون
بیرلحظه دوتمیوب یوخی بوزینبون گوزون
تصدیق ایله سن بولورم زینبون سوزون
ایتمم گله زیارتیوه کم سعادتم
لیکن رقیه دن من حسینیم خجالتم
.
.
حجّاج ایدنده عزم خدا بیتینه هر آن
شاماته یول سالالّا صورا بعضی کاروان
مشتاق اولار زیارتنه جمله حاجیان
من تک او قبریدن هامی عطرین آلار حسین
خردا ضریحنه هاموسی قول سالار حسین
.
.
زوّار او خردا قبری گورنده ایدر فغان
بی شک گوز یاشی اولی رخسارینه روان
بیر سوز ئولنده ایتدی وصیت منه بالان
عرض ایتدی عمّه عرضیمی ازّل کلام ایله
گیتسن آتام مزارینه مندن سلام ایله
.
.
گلدی گتورمدیم دیمه من ، ایلمه گِلَه
یتدی خزان خرابه ده اول نازنین گُلَه
گلبرگ تک ایاقلاری اولموشدی آبله
ایلر نوا او سویگُلیوه (رهبری) هرآن
قبریندن اوتری هر گجه گوندوز ایدر فغان
.
.
#اربعین_رهبری_تبریزی
#بیر_بلبلم_صفالی_گلستانه_گلمیشم
#ترکی
.
✍️ #زبدةالاشعار ✍️
.
🆔: @nohe_torki
نظر دهید