بیله گئتمه شتابان اماندور آنام اوغلی #وداع_خادم_تبریزی

وداع حضرت امام حسین (ع)
.
#زبدةالاشعار
.
: @nohe_torki
.
#سبک_علی_جان_بالا_لبیک
مشابه

.
مرحوم احمد پورعطا (خادم تبریزی)
.
بیله گئتمه شتابان اماندور آنام اوغلی
منیم جدّیمه خاطر دایان دور آنام اوغلی
.
.
دایان دوره وی بیرجه بو اهل حرم آلسون
یتیم قیزلاری دیندیر اورک دردون آزالسین
سنی اوغلی ئولنلر گلوب بیر یولا سالسین
مسافر بیله گئتمز عیاندور آنام اوغلی
.
.
بیله تک یولا گتمه رکابوندا گلن وار
دئمه بیر باجیم آغلور بو احوالی بولن وار
گلنمولّه دالونجا جوان اوغلی ئولن وار
جوان داغی بولورسن یاماندور آنام اوغلی
.
.
ایاق ساخلا عزیزیم یول اوسته سو سپوم گیت
الون قلبیمه بیر قوی دوزوم بلکه تاپوم گیت
آنام حقّینه قارداش بوغازوندان اؤپوم گیت
منی باشیوه بیرجه دولاندور آنام اوغلی
.
.
گیچور وقت شهادت یقیناً گیده جاقسان
دوشوب عشق الهی باشون ترک ایده جاقسان
قالور دشمن ایچینده عیالون نئده جاقسان؟
مخاصم بیزه شمر و سناندور آنام اوغلی

.
.
دوتوب ناله و شیون بو صحرانی گورورسن
یولور زلفنی قیزلار بو غوغانی گورورسن
آلوب دوره نی یکسر بو اعدانی گورورسن
بولار السیز ایاقسیز بالاندور آنام اوغلی
.
.
سنون امریوه تابع اولوب صبر ایدرم من
دوشوب بیکس عیالون یانینجا گیدرم من
رقیّون سنی ایستر حسین بس نئدرم من ؟
یتیم دارلوق عزیزیم گراندور آنام اوغلی
.
.
حسین گور اولا ممکن امان ویرسه بو لشگر
ئولنلر گیدوب ئولدی قالان داغلیدی یکسر
بو لشگردن امان آل گئنه یثربه قیتر
بو صحراده ازلدن خزاندور آنام اوغلی
.
.
اجازم اولا سندن آنام تک بیر آچام باش
ایدم دشمنی نفرین بو قومه یاغا بیر داش
اوزون ئولماقا یالقوز گیدیرسن ایله قارداش ؟
رکابوندا نه عبّاس جواندور آنام اوغلی
.
.
بولردیم آنام اوغلی بو چولده ئوله جاقسان
دیمزدیم بیله یالقوز سوسوز تَکلَنه جاقسان
بو آخر گیدیشوندور و یا که گله جاقسان ؟
واریم بیر سوز اورکده نهاندور آنام اوغلی
.
.
حرملر هامو قیزلار یولا ایمدی سالوللار
الوندن ایاقوندان اؤپوب عطرون آلوللار
ایکی خردا بالون وار گلنمولّه قالوللار
گلوب خیمه ده دیندیر اویاندیر آنام اوغلی
.
.
بو ایستکلی رقیّون سنه الفتی چوخدی
یانولّار هامی قیزلار بونون رقّتی چوخدی
آلوب بیر دفعه دیندیر دیمه زحمتی چوخدی
یتیم اولماق اینانمور عیاندور آنام اوغلی
.
.
قالوب بستر غمده نه مدتلری (خادم)
یازار شام و سحرگه شکایتلری (خادم)
نجه ویرسون الیندن بو ساعتلری (خادم)
شکیبادن اثر یوخ تالاندور آنام اوغلی
.
.
#وداع_خادم_تبریزی
#حسینیه_وداع
#بیله_گتمه_شتابان_اماندور_آنام_اوغلی
#ترکی
.
#زبدةالاشعار
.
: @nohe_torki