ورود به شام
.
✍️ #زبدةالاشعار ✍️
.
🆔: @nohe_torki
.
مرحوم میرزا عبدالوهاب حقیرخویی
.
تاپوب جهانیده ظلم یزید شهرت تام
او گون که ایلدیلر اهل بیتی وارد شام
.
مقرّر ایلدی بازار باغلادی آئین
خبر وئروب چیخا شام اهلی پیشوازه تمام
.
بساط عیش قورولسون گذار هر رهده
جوانلار اگنینه گئیسونله جامه ی گلفام
.
لوای دولت آل امیّه پرچم آچوب
ائدوب یزید آدینا دور دوره ی ایّام
.
حجاز شاهی بوگون پای تختیمه گله جاق
دوشوب کمنده خواتین پرده ی اسلام
.
دوشوب بو تازه خبردن دمشقه آوازه
دگوب بیری بیره اصناف خلق خاص و عوام
.
تدارکیله تماشایه دسته دسته چیخوب
جوان و پیر و وضیع و شریف و حرّ و غلام
.
تمام دایره اللرده دختران و زنان
دوتوبلا غرفه و ایوان و قصرلرده مقام
.
کسیلدی راه تردّد هجوم و کثرتدن
ز بسکه کثرتیله دولدی کوچه و در و بام
.
یتوردولر دم دروازیه اسیرلری
گوروم الهی او ساعت خراب اولیدی شام
.
کیمی پیاده کیمی ناقه اوسته آل رسول
یولون مشقّتی رنج سفر جفای لئام
.
گجه گونوز یوخوسوز یول گلوبله آج و سوسوز
پیاده یول یریماقدان اولوبلا خسته و خام
.
بدنلری اریوب کثرت ریاضتدن
اوشاقلارین سارالوب رنگ یوزلرینده تمام
.
بویوکلرین کیمینین بوینونی کسوب زنجیر
نه وار یریماقا طاقت نه دورماقا آرام
.
بویونلارینداکی زنجیر طوق طاعت حق
طنابی قوللارینین حبل اقتدای امام
.
قطار سلسله ی اهل بیته پیش قطار
قاباقدا سلسلیه باغلانان امام همام
.
نه اینکه کنده و زنجیر و قید سلسله دن
هلال تک اریوب جسم و صورت اندام
.
گورردی منظر اولوب نیزه اوسته نظّاره
آتاسینون باشی مثل هلال عید صیام
.
گلوب شماتته شامین او بی حیا خلقی
دیردی هر یری بیر سؤز اراذل و اکنام
.
گورونمیوبدی او ظلمین نظیری عالمده
جفاده قویدولا شام اهلی نام قویدولا نام
.
کنیزی مریم و سارا اولان حریمه کنیز
غلامی موسی و عیسی اولان امامه غلام
.
سکینه نین اورگی درده گلدی دوتدی یوزین
جدا باشینداکی باشه ادبله وئردی سلام
.
اَما تَریٰ اَبَتا حالَنا و کُربَتَنا
وَ ذُلَّ غُربَتَنا یا مُکَفِّلَ الاَیتام
.
سکوت قیلدی جوابینده سرّی وار بو سوزون
که یعنی سنده سکوت ایله قیل بلایه دوام
.
ولیک ایستدی اؤز اهل مبینین حقّین
کلام حقّیله آیاتیدن ائده اعلام
.
لسان حقیدن اولدی کلام حق جاری
که غیر حقّه محقّق اولا احقّ کلام
.
تلاوت ایلدی قرآنی نیزه باشیندا
که یرده قالمیا قرآندا درج اولان احکام
.
مقام عترت طاهانی سوره ی کهفین
بیر آیه سینده امام مبین ائدوب اتمام
.
یزید ظلمی«حقیرا»نهایته یتمز
قلم ووروب یازاسان گر لیالی و ایّام
.
#ورود_شام #حقیر_خویی
#تاپوب_جهانیده_ظلم_یزید_شهرت_تام
#ترکی
.
✍️ #زبدةالاشعار ✍️
.
🆔: @nohe_torki
نظر دهید