زبانحال حضرت امیرالمومنین (ع) با پیامبر (ص) در موقع دفن حضرت زهرا (س)
#گریز به #قتلگاه
.
✍️ #زبدةالاشعار ✍️
.
🆔: @nohe_torki
.
مرحوم سعدی زمان
.
منه زهرانی تاپشوردون امانت یا رسول الله
سنه ردّ ایلورم امّا خجالت یا رسول الله
.
.
.
سن ای پیغمبر رحمت ایدن گون ترک دنیانی
ودیعه تاپشروب گیتدون قیزون مظلومه زهرانی
سنون امرون ولیکن نهی قیلدی اوّل ثانی
دانوب قرآنی آختاردی ریاست یا رسول الله
.
.
.
امانت ردّی واجبدور بو مطلب امر یزداندور
علی هر حالده اولسا مطیع حکم قرآندور
آل اوز تاپشردوقون دُرّی بو دُرّون قیمتی جاندور
گذشت ایله شکست اولسا امانت یا رسول الله
.
.
.
بو بیر حوریه دور انسیه ،صورتده مُصوَّردور
بو بیر زیتونه دور نورِ خدائیله مُخَمَّردور
بو بیر مرضییه دور محبوبۀ خلاق داوردور
بیر عورتده گورنموب بو جلالت یا رسول الله
.
.
.
بویوردون امته بیر پاره دور مندن قیزیم زهرا
منه ایلوب اذیت ایلسه هر کیم بونا ایذاء
ائدوبلر نه اذیتلر دیلیمده شرحه یوخ یارا
اوزی ایلر سنه تک تک حکایت یا رسول الله
.
.
.
بو بیر خوشرنگ و بو گولدور گلستان رسالتدن
بونیله دو وورانمازدی گل جنت لطافتدن
سالوبلار بو گُلِ شادابی حیف اولسون طراوتدن
یوزونده قویمیوب سیلی طراوت یا رسول الله
.
.
.
قصوریم اولمیوب آگاهسن حفظ و حراستده
قویوبدور امتثالِ امر پاکون کُنج عُزلتده
بغشله گر اولا بعضی علامت بو امانتده
بُلورسن اولمیوب مندن خیانت یا رسول الله
.
.
.
منه سن تاپشوراندا واریدی گلرنگ سیماسی
باشندا قاره زلفی قدّ موزون و دل آراسی
سولوب رنگی دنوب کافوره زلف عنبر آساسی
اولوب خم بار غمدن سرو قامت یا رسول الله
.
.
.
سزادور دونسه بو غمده الف تک قامتیم داله
منیله سنده اولسان عالم معناده همناله
سالوبدور قنفذ ثانی بتولی اوزگه بیر حاله
قولیندا سینه سینده وار جراحت یا رسول الله
.
.
.
بیانِ قال و حالِ مرتضادن یازما ای خامه
دولان گیت کربلایه باخ جفای لشکر شامه
وار اوردا دخت زهرانون باشندا گور نه هنگامه
نجه سسلو گل ای ختم رسالت یا رسول الله
.
.
.
بو صد پاره بدن ای سرور بطحا حسینوندور
قوری یرده قالان بو چاک چاک اعضا حسینوندور
بو باشسیز جسم آرام دل زهرا حسینوندور
سالوب بو حالته اهل عداوت یا رسول الله
.
.
.
بو مذبوح القفا جسم جهانه جان حسینوندور
یارالی سو کنارینده ئولن عطشان حسینوندور
قوم اوسته گون قباقینده قالان عریان حسینوندور
سویوبلار رختینی قوم شقاوت یا رسول الله
.
.
.
بو مقطوع الیدا مذولِ قوم دون ، حسینوندور
بو کشتیِ نجاتو غرق بحر خون حسینوندور
یاراسی انجم افلاکدن افزون حسینوندور
اولوبدور مُنخسف ماه امامت یا رسول الله
.
.
.
نه وار باشی نه ال نه جامه بو صد پاره پیکرده
قالوب خندان اولان گول تک گل طاها قوری یرده
چکوبدور اوستونه خاشاکدن باد صبا پرده
اذیت ایتمسون باری حرارت یا رسول الله
.
.
.
کفن یوخ سایبان یوخ ایستی گون مجروح بیر پیکر
گمانیم گلموری بیر ساتره نیلوم مُنِ مضطر
آلوبلار رختیمی اعدا باشیمدا قالمیوب معجر
اولاندا خیمۀ زرتار غارت یا رسول الله
.
.
.
.
معیَّن ائتدی حق اجر رسالت حُبِّ قُربا – نی
عجب امت مراعات ایلدی قانون قرآنی
سالوب بیر حاله ذالقربانی کیم دنیاده قربانی
بیله ئولدورمیوب بیر بادیانت یا رسول الله
.
.
.
«حسینی»مطمئنّ و معتقد دور ای شه عالم
کرامت خوانی سیزسیز،ریزه خواروز عالم و آدم
بویاندا عُمر،ثروت،عافیت،ایله عطا توأَم
اویاندا روز محشر قیل شفاعت یا رسول الله
.
.
#فاطمیه_سعدی_زمان
#فاطمیه_شهادت
#منه_زهرانی_تاپشوردون_امانت_یا_رسول_الله
#چهارده_معصوم_حسینی ص 52
#ترکی
.
✍️ #زبدةالاشعار ✍️
.
🆔: @nohe_torki
نظر دهید