زبدةالاشعار

تا آخوب محرابه خون شاه خیبر کوفه ده #حیدریه_فقیر_خویی

ضربت خوردن حضرت امیرالمومنین علیه السلام
.
#سبک_زینبم_جان_اوستیم
#سبک_کربلا_اؤز_ائتدیقیم_امضایه
.
مجید قلعه بیگی ( فقیر خویی )
.
.
تا آخوب محرابه خون شاه خیبر کوفه ده
سس چاتوب افلاکه یردن،اؤلدی حیدر کوفه ده
.
.
اولدی بالمرّه فلکده آیت شق القمر
پارچالاندی آی وسطدن،شمس اولدی دیده تر
صف ب صف گویدن ملکلر گلدیلر خونین جگر
گوئیا اولدی نمایان یوم محشر کوفه ده
.
.
مصحف حق پارلندی،سلب اولوب تاب رواق
نورسیز قالدی کواکب،باشلانوب درد فراق
ویردی بیر جانی صلاة عشقیده، گوزدن ایراق
کاسهٔ باش پارچالاندی،دولدی گوزلر کوفه ده
.
.
سجدهٔ بی مثل و همتاده دوشوبدی همهمه
ویردی بیر ضربه باشیندان، دوتدی عالم واهمه
دیسگنوب فتّاح خیبر، سسلدی یا فاطمه
سسلدی جان یا علی، زهرای اطهر کوفه ده
.
.
زهریلی شمشیریلن نصف اولدی رأس لافتا
کائنات اولدی علی سیز،قالدی ایتام ولا
فزت رب الکعبه نی راحت بویوردی مرتضی
آخرین ذکری بویوردی شاه خیبر کوفه ده
.
.
ویرمادی مولانی ناکس، عدلی اؤلدوردی اونی
هرج مرجه باعث اولدی، کائناتون دشمنی
گون ب گون سولدی او گوندن مصطفانون گلشنی
او گجه باتدی مسلّم ماه انور کوفه ده
.
.
یاز «فقیرا» چوخ چوخالدی دهریده کوفه مرام
یوخ عدالتدن خبر، ظلم و خیانتدور تمام
آز قالور ویرسون جدایه مصحفی قوم عوام
تا آخوب محرابه خون شاه محشر کوفه ده
.
.
.
.
#حیدریه_شهادت #حیدریه #فقیر_خویی
#تا_آخوب_محرابه_خون_شاه_خیبر_کوفه_ده
#ترکی
#زبدةالاشعار

نظر دهید

جستجو در نام شاعر یا مناسبت

Search

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search

دسته بندی درختی

دسته بندی درختی

Generic filters
Exact matches only
Filter by Custom Post Type

More results...

Generic filters

Filter by Custom Post Type

نتایج بیشتر ...