«احوالات جناب عَبدُالله بن ِحَسن»
.
زبدة الاشعار
?: @nohe_torki
.
حاج اصغر فرشچی ( عدلی تبریزی)
.
.
سبک: ای قلم … کاروان رفته منزل به منزل.. جامۀ عشقوی … مطهری …
.
.
تا سسون آلدیم افغانه گلدیم
باتما قا قانه میدانه گلدیم
سنّیم آزدی اگرچه صغیرم
هّمتیمده ولی من کبیرم
.
.
دوشدی عشقون عموجان باشیما
قان قاروشدی اودور گوز یاشیما
همره اولماقه اوز قارداشیما
قاسمون تک باتام قانه گلدیم
.
سنّیم آزدی …
.
.
خیمده هل معین صوتون آلدیم
بیر خدا بولدی نه حاله قالدیم
جاده ی عشقه یول منده سالدیم
ناصر اولماقه میدانه گلدیم
.
سنّیم آزدی اگر اصغرم من
همّتیمده عمو اکبرم من
.
.
نغمۀ عشقی سمع محبّت
آلدی فکرینده جمع محبّت
تک یانورگوردی شمع محبت
شمعه اولماقه پروانه گلدیم
.
سنّیم آزدی …
.
.
سن عمو عاشق با وفا سن
اهل عشقه بو گون رهنما سن
گور موشم مست جام بلاسن
میل ایدوب منده مستانه گلدیم
.
سنّیم آزدی …
.
.
دشمن ایچره قالان تک عموجان
باخمادیم که آنام ایلر افغان
کوی عشقونده اولماقه قربان
منده سن تک دلیرانه گلدیم
.
سنّیم آزدی …
.
.
سن بولور سن ندن نیّتیم وار
نیّت اوستونده جدّیتیم وار
بو شهاتده لیک قسمتیم وار
آلماقا سهم شایانه گلدیم
.
سنّیم آزدی …
.
.
(عدلیم) غرق بحرخطایم
نی کیمی دائما پر نوایم
لطف ایله مستحق عطایم
منده درگاه جانانه گلدیم
.
سنّیم آزدی …
.
.
#سبک_ای_قلم (5سبک)
پخش‌کننده صوت
.
#عبداله_الحسن
#تا_سسون_آلدیم_افغانه_گلدیم
#عدلی_تبریزی
#ترکی
?: @nohe_torki
: @nohe_torki . قیزیل قلم ( تضمین، ملا محمد فضولی غزلینه ) . اؤن بیرآی سسله میشم صدقیله یاحق یاهو شوقِ وصلونله ووْروب قُمریِ جانیم کوکو گؤزیاشیم صورتِ گلناره اولوب آبِ وضو چیخدی شعبان آییبیشتر
نظر دهید