در منقبت حضرت علی علیه السلام
.
.
حاج اصغر فرشچی (عدلی تبریزی)
.
.
علم عالم قطره دور دریا علی
کل نفسه نفسی دور اولا علی
.
محرم اسرار دور پیغمبره
عاقلانه سرّ اُو اَدنی علی
.
ربع قرآن سویلیوب اوصافنی
متن قرآندا اولوب اخفا علی
.
طول و پهنا لازم و ملزوم دور
طول عالم مصطفی پهنا علی
.
ایلیوب روشن وجودی کعبه نی
چلچراغ مسجد الاقصی علی
.
وحییدی آیات قران احمده
وحی مُنزَل ایلیین املا علی
.
کیمدی کی پنهان وپیداروزوشب
ایلیوب انفاق احمد سا علی
.
آیت الکرسی اولوب حصن حصین
انس و جِنَّه عُروَةُ الوُثقی علی
.
آل یاسِینه ویرور قرآن سلام
بس دگول آل رسول آیاعلی؟
.
آخرین مولا بیزه صاحب زمان
شیعیانه اوّلین آقا علی
.
عدنیدن یوسف گرک ایتسون ندا
چوخدی زیباتر ولی زیبا علی
.
گر چه موسایه معلم خضر اولوب
خضرده تعلیم ایدن دانا علی
.
دَم ویروب گر میّته عیسی مسیح
دم ویرن عیسایه ده مولا علی
.
کان عدل و کان تقوا و ادب
فضل و هر علمه اولوب دارا علی
.
بوذر و مقداد و سلمان چوخلاری
ایلیوب شاگردیه مولا علی
.
حُبّی دور اَجر رسالت مسلمه
آیۀ نصّ ذَوِی القُربی علی
.
مثلنی دوغماز جهان وار تا ابد
هرنه دوغسا مادر دنیا علی
.
غزوه لرده یوخ اونا همتا اولان
هر غزاده ایلیوب غوغا علی
.
غزوۀ خیبر اُحد دا بدریده
ایلیوبدی محشر صغرا علی
.
چوخ سُور آللاهنی آلله اونی
عشقیده مجنون و هم لیلی علی
.
کیم دیسه آلله بونا کافر اولوب
بنده دور آللهَ سرتاپا علی
.
بول حساب حشریده مردود دور
کیمسه جمعیندن اولا منها علی
.
عرش اعلایه یازوبدی دست حق
امر و نهیی لازم الاجرا علی
.
کربلایه بی ولالر دور سبب
عاشقانه شور عاشورا علی
.
روزمحشرچون خدا قاضی اولار
غاصبانی ایلییر رسوا علی
.
مأمنی مینودی هرکس حشریده
ایلیوب برنامه سین امضا علی
.
عزم راسخله مه صوم دعا
اولدی افطاری فقط خرما علی
.
سجده گاه عشقیده اولدی شهید
سالدی دنیایه نوای یا علی
.
نوح ایتموشدی اونا تعیین قبر
بس نجفده ایلدی سکنی علی
.
اول خریداری دله آل مهرینی
بول شفاعتلن ایدر سودا علی
.
تا ابد من ریزه خوار خوانیم
من گدای کمترین مولا علی
.
قطره یم توصیف بحره عاجزم
ذرّه خاکم ولی صحرا علی
.
یوخ لیاقت «عدلیده» فضلین یازا
فضلینی ایلوب اوزی انشا علی
.
وار امیدی مدح مولانی یازور
تا چاتا فریادینه فردا علی
.
.
#حیدریه #عدلی_تبریزی #حیدریه_مدح #ترکی #زبدةالاشعار
نظر دهید