#عاشورا_گونی
زبانحال حضرت زینب خطاب به آفتاب
.
✍️ زبدة الاشعار ✍️
?: @nohe_torki
.
مرحوم عابد تبریزی
.
توپراقلار اوسته قارداشینین گوردی حالینی
توکدی عذاره شدّتیله اشک آلینی
.
اود دوتدی یاندی عصمت کبرای ذوالجلال
مهره خطاب باشلادی بو نوعیله مقال
.
ای گون نه سوز و تابیدی بو یاندی قارداشیم
آرتورما التهابیوی اودلاندی قارداشیم
.
خط شعاعین آرتوروری سوز قلبینه
شرم ایله کس حرارتیوی یاندی قارداشیم
.
تحت ترابی ایلیه جاق مسند جلال
بیر آز زمان بو نشئه ده مهماندی قارداشیم
.
خوشدور اوزی ولی یانورام من بو حالینه
حالا خیال ایتمه پریشاندی قارداشیم
.
جودی اولوب وجودوین امکانینه سبب
سندن نه رحم و شفقته شایاندی قارداشیم
.
سن من فلک ملک بشر، اَلقِصّه ماسوا
بیر بنده دور تمامینه سلطاندی قارداشیم
.
نافذدی امری انفس و آفاقه کونیده
نفس وجوده واجب الاذعاندی قارداشیم
.
بیر ملک فرض اولسا اگر جمله کاینات
بیر بیله ملکه صاحب فرماندی قارداشیم
.
رحمان دیوب رحیمی شهید ایلینلره
هر حالیله معرف رحماندی قارداشیم
.
جودی وجود عالمه اوّل اولوب سبب
اصلیّت تداوم دوراندی قارداشیم
.
یاندورما قلبینی اورگیم یاندی بلموسن
دریای فیض اولا اولا عطشاندی قارداشیم
.
مستور قیل یوزون گوروسن مثل آفتاب
قانلی شفق ایچینده نمایاندی قارداشیم
.
سنده نه جلوه واردی که چرخ هدایته
قانلی یوزیله نیّر تاباندی قارداشیم
.
سن بیر سهیل فرض اولاسان جلوه ده اگر
تابنده لیقدا مهر درخشاندی قارداشیم
.
بیر نجم تابناکیدی هر قانلی یاره سی
یر اوزره چرخ انجم رخشاندی قارداشیم
.
بیر گلستان حساب اولا گر دشت کربلا
بو گلستانه لالۀ نعماندی قارداشیم
.
معناده ئولماقیله هامی ماسا ئولوب
جسم وجوده جوهرۀ جاندی قارداشیم
.
پرگار نظم کون دوشوب انتظامیدن
قطب مدار عالم امکاندی قارداشیم
.
هر چند تشنه دور ولی خشکیده لعلیله
فیض بقای چشمه حیواندی قارداشیم
.
معناده تیغ ظلم چکوبله حق اوستونه
چون آیت جلالت یزداندی قارداشیم
.
اشکیم کیمی باتوبدی قزل قانه پیکری
گویا نظرده لعل بدخشاندی قارداشیم
.
محو تجلیات جمال حبیب اولوب
طور وفاده زادۀ عمراندی قارداشیم
.
تفکیک حق و باطل ایدوب روز حشره تک
شرح ثبوت معنی فرقاندی قارداشیم
.
بیجا دگل سوسوز کسیلوب باشی ظلمیله
عشق و وفا مناسینه فرباندی قارداشیم
.
سال پرده شفق یوزیوه یوخسا گورموسن
توپراقلار اوسته قانینه غلطاندی قارداشیم
.
#عابد علاج دردینی ایلر عنایتاً
هر دردمنده معطی درماندی قارداشیم
.
#قتلگاه
#حسینیه_شهادت
#کوچ_کربلا
#توپراقلار_اوسته_قارداشینین_گوردی_حالینی
#ای_گون_نه_سوز_و_تابیدی_بو_یاندی_قارداشیم
#عابد_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید