کوچ از کربلا
زبانحال حضرت زینب (س) با برادر
.
✍️ #زبدةالاشعار ✍️
.
🆔: @nohe_torki
.
#سبک_ویرانه_ده_نازلو_بالام
.
هادی سلطان محمدی تبریزی
.
.
توپراقلار اوسته پیکرین قارداش قالوب عریان
یوخ بیر نفر دفن ائلیه سین زینب سنه قربان
.
.
زینب توکر باران کیمین رخسارینه قانیاش
دور سال یولا اولادینی ای مهربان قارداش
باشسیز یارلی جسمیوی من گورمییدیم کاش
قاتل کسوبدور باشیوی جان وئرمیسن عطشان
.
.
قارداش چاتوب اوخ باش باشا سیننده سنبل تک
شرح ائیله یور اوز حالینی زخمین یانان دل تک
قانین گئدوب جسمین صولوب صولموش قیزیل گول تک
اوخ یاره سیندن قان آخوب توپراق اولوب الوان
.
.
قلبین دَلَن میدانیده اوچ شعبه لی اوخدور
جسمین یارادور سربه سر بیر صاف یئرین یوخدور
سن تک منیمده قلبیده قارداش یارام چوخدور
غم شعله سیندن دل یانور من ائیلیرم افغان
.
.
آغلار قالان قیزلاریوی بس کیم یولا سالسون
بو دشتیده سجادوون کیم قیدینه قالسون
عباسوون یوخدور قولی تیغین اله آلسون
ائدسین رجال کوفه نی اوز قانینه غلطان
.
.
باشین گئدوبدور کوفیه نعشین قالوب یرده
اوخلار یارالی سینه وه قاندان چکوب پرده
پامال اولان گول پیکرین سالدی منی درده
سندن صورا بو دردیمه اولماز داهی درمان
.
.
یاندیردی زینب قلبینی بجدل کَسَن بارماق
واردور یئری قان آغلاسین بو نسگیله آفاق
بستر اولوبدور جسمیوه گودالیده توپراق
خولی کیمین ظالم لره باشین گئدوب مهمان
.
.
دوزدور سنه لازم دگول غسل و کفن قارداش
گودالیده عریان قالوب باش سیز بدن قارداش
پیغمبر اوغلون بس نیه یوخ دفن ائدن قارداش
گول جسمیوی دفن ائتمگه قویماز منی عدوان
.
.
سجادوون قولارینی دشمن ائدوب بسته
بوینوندا وار غلّ جفا آغلور دَوَه اوسته
غم غصّه دن مظلوم بالان من تک اولوب خسته
یاندیردی آل حیدری نار غم هجران
.
.
«سلطانیا» زینب کیمین اولدون عجب مهموم
غم سوزلرین آخشام سحر ائتدون اوزون مرقوم
لطف خدادن اولدولار «دوز نوحه لر» منظوم
شکر ائله سن افزون ائدر نعمت لرین یزدان
.
.
#قتلگاه
#توپراقلار_اوسته_پیکرین_قارداش_قالوب_عریان
#ترکی
.
.
✍️ #زبدةالاشعار ✍️
.
🆔: @nohe_torki
نظر دهید