زبدةالاشعار

توکولوب زلف سیاهون رخ زیبایه اوغول #راه_شام_صابر_تبریزی

راه شام
زبانحال حضرت لیلا سلام الله علیها
.
✍️ زبدة الاشعار ✍️
.
?: @nohe_torki
.
مرحوم صابر تبریزی
.
توکولوب زلف سیاهون رخ زیبایه اوغول
بنزوری نیزه ده بدر و شب یلدایه اوغول
.
.
کیم گوروب توام اولا بدریله دِیجور علی
کیم گوروب باهم اولا ظلمتیله نور علی
کیم گوروب ظلمتیله نور اولا محصور علی
بیر بیرینه بو ایکی ضدّ اولا پیرایه اوغول
.
.
زلف شبرنگون اگر اولمیا مفتون یوزیوه
دوشمسه سنبل تر تک علی گلگون یوزیوه
نیزه باشیندا دوشر شعشعۀ گون یوزیوه
آرتورار تابشی سوزش رخ زیبایه اوغول
.
.
گرچه زلفون یوزیوی گورماقا مانعدی علی
لیک زلفون یوزون آئینۀ صانعدی علی
گوزوم آئینه ده تصویریوه قانعدی علی
بولود آلتیندا باخا مهر دل آرایه اوغول
.
.
رسمیدور اوغلی ئولن آختارار عالمده ئولوم
دگولم من ولی راضی بو اسارتله ئولوم
ایستورم ای گونومی قاره ایدن تازه گُلوم
ایدم عمریمجه تماشا گیجه لر آیه اوغول
.
.
گوندوزی گون باشون آردینجا ره شامی علی
سایه تک سیر ایدرم من سحر و شامی علی
ویرمرم جمله جهانه بو تماشامی علی
هامی دنیا عوض اولماز بو تماشایه اوغول
.
.
نیزه ده قانلو باشون قلبیمه منظور اولالی
مه یوزون طُرّۀ شبرنگیله مستور اولالی
روز روشن گوزیمه لیلۀ دِیجور اولالی
دود آهیم اوجالور طاق ثریایه اوغول
.
.
ای قاشی کعبه، گوزی قطب، یوزی عمده مطاف
کعبه دن باغلیوب احرام خیالیله طواف
حجرالاسودِ خالون ئوپه بو عاشق صاف
کعبه دن سیر ایدوری سمت کلیسایه اوغول
.
.
قطره قطره باشیوون قانی باشوندان سوزولوب
رشتۀ زلفیوه بیر شدّۀ مرجان دوزولوب
تار زلفون او زماندان که اَلیمدن اوزولوب
وورمیوب شانه آنان زلف مُطرّایه اوغول
.
.
توز قونوب غصه لی گوگلوم کیمی قانلو تِلیوه
نیزیه یتمور الیم یالوارورام قاتلیوه
بلکه باشون وئره بیر شانه وورام کاکلیوه
اولموری حیف موثر سوزوم اعدایه اوغول
.
.
ورد و ذکر ایتمیشیدیم دائم علی دلده آدون
آناوا سر سخن اولموشدی محافلده آدون
حسرتون گوزده قالوب، قانه دونن دلده آدون
وعدۀ وصل ولی جنت اعلایه اوغول
.
.
دیمه بیر لحظه علی داد و نوادن دویارام
قانلی گوز یاشیمیله محملی قانه بویارام
ویرسه لر باشیوی بیر یوز یوزه سنله قویارام
نقد جان آزدی ثمن اولسا بو سودایه اوغول
.
.
گئجه گوندوز گورورم نیزۀ قاتلده باشون
ساخلیوب منقذ بی رحم مقابلده باشون
ویرموری بیرجه باسوم سینمه محملده باشون
نه روادور بو جفا من کیمی ثکلایه اوغول
.
.
سنی مندن آیران وقتیده مامور قضا
جسمیدن گوردی یاخوندور اولا روحیمده جدا
ایتدی باشونده اودور رمزیله الحاق قوا
سالدی قول باغلی باشون آردیجه صحرایه اوغول
.
.
آدمین آب و گلی ذرّده تخمیر اولالی
عاشقه مونس شب نالۀ شبگیر اولالی
عضق مجنونیله گیسو خمی زنجیر اولالی
گَلمیوب لیلی کیمی قیس بو دنیایه اوغول
.
.
قویما مریم تک ایدوم غصّه و غمدن گِله من
ایستورم بیر دمِ عیسی کیمی عالی صِله من
ناله ایله گَتورم عظم رمیمی دِله من
تا تعجّب ویره اَل گویده مسیحایه اوغول
.
.
صورتون مطلع آئینۀ نور ایلیه لی
جلوۀ نوریله صحرالری طور ایلیه لی
من کلیم غمی سرگرم حضور ایلیه لی
قالمادی کلمۀ لَن پرده لی موسایه اوغول
.
.
گَلَّم آردونجا باشون سیر ایده هر رهگذری
اَریدر صخرۀ صمّانی فغانیم اثری
دود دلدن اوجالان گوگلره آهیم شرری
سونمَز اود وورماسا بو قبّۀ خضرایه اوغول
.
.
شرح وصلون غم هجرانی عیان ایلیه لی
هجر اودی لاله صفت باغریمی قان ایلیه لی
او خم ابرو، بو قد سروی کمان ایلیه لی
بیر اولوب هجریله وصلون دل شیدایه اوغول
.
.
بو اسارت آناوا وصلۀ ناجور اولالی
بو هامی محنته دل مخزن و گنجور اولالی
سن کیمی یوسف غم هجرینه رنجور اولالی
یری وار طعنه وورام مهر زلیخایه اوغول
.
«صابرم» صبریله آسان دؤزرم مشکله من
دشمنه دوست ائدن ظلمدن ائتمم گِله من
ناقۀ لیلیِ صبریم دوشه قویمام گِله من
دؤنسه مجنون گوزیمون چشمه سی دریایه اوغول
.
.
.
#سبک_یارالی_جان_یارالی … شهریاریمسن … کربلا منتظر ….

متن پیشنهادی:  شبیه حضرت طاهادی اکبر #اکبریه_علی_اصغر_فریدی

.
#راه_شام
#توکولوب_زلف_سیاهون_رخ زیبایه_اوغول
#صابر_تبریزی
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی