تیز یتش فریادیمه سن ای ابوالایتام عمو #قاسمیه_غفاری_زنجانی

استمداد حضرت قاسم ابن حسن (ع)
..
..
غفاری زنجانی
..
..
تیز یتش فریادیمه سن ای ابوالایتام عمو
قتلمه اقدام ایدور جلاد خون آشام عمو
..
..
ای یتملر سرپرستی سسلورم امداده گل
گل شکارم آهو مثلی نچه مین صیاده گل
آت ایاقینده ویرللر پیکریمی باده گل
تیزیتش قالسون عدولر قصدی نافرجام عمو
..
..
حالیمه شاملدی لطفون دائماً ای شهسوار
وار آتالوق حقّی بوینومدا سنون ای تاجدار
بو یارالی پیکریمی خیمه گاهه گل آپار
گلمه سون آت درناقندا پایمال اولّام عمو
..
..
دشمن ایستور رشتهٔ امیدیمی بیریول قرا
غم اودون قلب رسول اطهره بونلار ورا
سینمی آت درناقندا قوم عدوان سندیرا
هر جفانی اهل ظلم ایستور ایده اتمام عمو
..
..
غبطه ایلردیم عم اوغلوم اکبرین اقبالینه
اوندا که فیض شهادت شامل اولدی حالینه
شكر لله قاسمونده چاتدی ئوز آمالینه
اکبرونله اولموشام بو یولدا من هم گام عمو
..
..
نیلورم دنیانی من اكبر عم اوغلومدان صورا
یوز منه ویرمشدی چوخ غملر عم اوغلومدان صورا
چوخ روادی آغلاسا گوزلر عم اوغلومدان صورا
قالدی روبه لر الینده ضیغم و ضرغام عمو
..
..
وار یری اکبر غمینده جمله دنیا آغلاسا
باشینه قاره سالوب آواره لیلا آغلاسا
سس ویره مظلوم آناملا آل طاها آغلاسا
محنتیم ایلر اونی مستغرق آلام عمو
..
..
بیر وصیت نامه ویرمشدی آتام کان وفا
نه وصیت نامه بلکه چاره سیز درده دوا
درد بی درمانیمه آلدیم دوا اوندان آقا
اولدی داروی شفا اول وردیگی پیغام عمو
..
..
من همان پیغامدن فیض شهادت تاپمشام
قانیمه غرق اولموشام یاخشی سعادت تاپمشام
جنّته دعوت واریم بزم ضیافت تاپمشام
جدّیمه مظلوم آتامه میهمان اولّام عمو
..
..
#قاسمیه #غفاری_زنجانی #قاسمیه_شهادت #ترکی #زبدةالاشعار