جد مظلومونده سیر ائت صبره یا صاحب زمان #دفن_شهادت #عاصی_تبریزی

دفن شهداء
خطاب به حضرت ولی عصر(ع)
.
✍️ #زبدةالاشعار ✍️
.
🆔: @nohe_torki
.
مرحوم عاصی تبریزی
.
جد مظلومونده سیر ائت صبره یا صاحب زمان
بی کفن باشسیز قویولدی قبره یا صاحب زمان
.
.
بیر وجودیکه اونون لعیا اولوبدور دایه سی
باشینون دستمالی عرش کبریا پیرایه سی
ثاری ثارالله اعظم سایه سی حق سایه سی
بی کفن باشسیز قویولدی قبره یا صاحب زمان
.
.
بیر وجودیکه طفیلیسی اولوب یکسر جهان
خون بهاسی ذات پاک خالق کون و مکان
گور اونیله بیر نه رفتار ائیلدی دور زمان
بی کفن باشسیز قویولدی قبره یا صاحب زمان
.
.
بیر شهنشه که اونون کمتر غلامی جبرئیل
فاطمه زلفین یوواندا گئتدی آب سلسبیل
راضی اولمازدی آچا باشین خداوند جلیل
بی کفن باشسیز قویولدی قبره یا صاحب زمان
.
.
بیر وجودیکه اودور آرام قلب مصطفا
نه روا سالسون ائله بیر حالته اهل جفا
کفن و دفننده قالا حیران آنان زین العبا
بی کفن باشسیز قویولدی قبره یا صاحب زمان
.
.
شرعیده غسلی شهیدین قانیدور رختی کفن
جدّیوی اما ائله سویموشدی اشرار زمن
گوردی قالموب جسمده بیر پیرهن یابن الحسن
بی کفن باشسیز قویولدى قبره یا صاحب زمان
.
.
نعشنه باخجاق توکوب گوزدن یوزه اشگ ترین
گوردی اعدا قطع ائدوب هم بارماقین هم اللرین
یغدی بیر کهنه حصیره پاره پاره پیکرین
بی کفن باشسیز قویولدی قبره یا صاحب زمان
.
.
بیر وجودیکه اونا یکسر عوالِم بنده دور
حشره دین لوحه قلم وصفین یازا زینبده دور
روزگار دون بو دوریندن اوزی شرمنده دور
بی کفن باشسیز قویولدی قبره یا صاحب زمان
.
.
ای گزن چوللرده سرگردان امام منتظر
ای خدایه سوگلی وی خاتم اثنی عشر
جدّیوین بو حالینه یان آغلا هر شام و سحر
بی کفن باشسیز قویولدی قبره یا صاحب زمان
.
.
بو قضیّه قلب عالمدن آلوب صبر و شکیب
هانسی بیر بی کس و یا هانسی وطندن بی نصیب
هانسی بیر مظلوم اولان مقتول یا هانسی غریب
بی کفن باشسیز قویولدی قبره یا صاحب زمان
.
.
ای یگانه عبد واجب ربّ کل ممکنات
بیر وجودیکه اولا سرچشمۀ آب حیات
سهلدور لب تشنه کسدی باشنی قوم عِدات
بی کفن باشسیز قویولدی قبره یا صاحب زمان
.
.
ای ولی عصر حاضر حجّت ربّ جلیل
عالم لاهوته بو نکته سالوب آه و عویل
بیر وجودیکه اونا لای لای دیردی جبرئیل
بی کفن باشسیز قویولدی قبره یا صاحب زمان
.
.
بیر حسینی که مکرّر حضرت خیر الانام
گه قوجاقنده گهی دوشینده وئرمشدی مقام
بیله بیر شخصه عجب اولدى ئولنده احترام
بیکفن باشسیز قویولدی قبره یا صاحب زمان
.
.
بیر حسینی که اونا وابسته دور احیای دین
بیر حسینی که اودور گوشوارۀ عرش برین
ای امام منتقم ای حامی دین مبین
بی کفن باشسیز قویولدی قبره یا صاحب زمان
.
.
سیّدی عاصی اگر چه ایلیوب بیحد گناه
اعتقادینده بولورسن یوخ ولیکن اشتباه
جدّیوین بو غم فزا حالی ائدوب صبرین تباه
بی کفن باشسیز قویولدى قبره یا صاحب زمان
.
.
.
.
#دفن_شهادت #عاصی_تبریزی
#جد_مظلومونده_سیر_ائت_صبره_یا_صاحب_زمان
#ترکی
.
✍️ #زبدةالاشعار ✍️
.
🆔: @nohe_torki
.