میلادیه امام حسین (ع)
.
#زبدةالاشعار
.
: @nohe_torki
.
حاج مجید امینی تبریزی
.
جهانه گلدی خوشنود ایتدی ناسی
حسین ابن علی زهرا بالاسی
.
.
اولوب طالع بوگون مهر درخشان
جهانی ایلدی نوری چراغان
.
بیله مولود خوش سیمایه احسن
همی حیدر همی زهرایه احسن
.
.
آچوب بیرگل پیمبر گلشنینده
هانی بیرگل اولا بیله صفاسی
.
بهشت عطری گلر دائم بو گلدن
بودور جنّت بهشتین وار نماسی
.
اولوبدور جلوه گر نور هدایت
ایشقلاندی علی دولتسراسی
.
ملاحتده وجاهتده یازولّار
حسینی تک یارالدوب کبریاسی
.
پیمبر زحمتی پامال اولاردی
بونا بستیدی اسلامین بقاسی
.
قبول ایتدی ازل عهد الستی
ئولومدن اولمیوب ذرّه اِباسی
.
آناسی دخت پیغمبردی زهرا
علی شاه ولایتدور باباسی
.
ویروب قونداقی پیرایه سمایه
بودور اوج سماواتین هماسی
.
تحیّت گوندروب خیل ملائک
مدینه شهرینون دولدی فضاسی
.
پیمبر گوزلرین اوپدی بیوردی
حسیندور گوزلریم نور ضیاسی
.
بوگون بیر عید اعظمدور جهانه
قدم قویدی آقالارین آقاسی
.
قویوبدور عالمی مبهوت و حیران
بو مولودین جمال دل رباسی
.
یوزی ورده مثلدور چشمی شهلا
جمالی آیدی وار قدّ رساسی
.
اونون اوصافنه دللردی قاصر
اونی تعریف ایدوب جدّی آتاسی
.
او نوزاده باخان نوری گورردی
واریدی نوریله گویا لباسی
.
مدینه شوریله دولدی سراسر
منوّر ایتدی شهری انجلاسی
.
بونا یوسف گوزّلیقدا یتشمز
خطادور هر کیم ایتسه بو قیاسی
.
حسین سیز لذّت اولمازدی جهاندا
حسینی چوخ سوؤر حتی خداسی
.
بونا جبریل اولوب گهواره جنبان
یتردی سمعنه لای لای صداسی
.
به امر حق آپاری عرشه جبریل
حسینیله تاپا زینت سماسی
.
ایله بیر شاه دور کل جهانون
اونا بیر بنده دور شاه و گداسی
.
پیمبر مجتبی زهرا و حیدر
حسیندور خلقتین اصل و اساسی
.
حسینون عشقی هر بیر دلده اولسا
اونون دنیاجه وار سیم و طلاسی
.
دئیون هر نا امید و مستمنده
اولار که وار غم بی منتهاسی
.
زمان ناامیدی تاپدی پایان
گلوب بوعالمه امّت رجاسی
.
علاجی آختاران ای بی پناهان
حسیندور بی پناهان پشتواسی
.
دئ وار هر حاجتون باب کرمدور
بر آورده ایدر چوخدور عطاسی
.
یازولّار فطرسون یانمیشدی بالی
یوخیدی دردینون اصلا دواسی
.
حسینه تا گلوب مسّ ایتدی بالین
اولوب حاصل همان دم مدّعاسی
.
دیدی کیم من تک آزاد حسیندی
قبول ایتدی او مندن التماسی
.
تفاخرله ایدوب پرواز گویده
خدایه ایلدی حمد و سپاسی
.
دیدی هرکیم سلام ایتسه حسینه
او کسلر ایتمسون خوف وهراسی
.
یتورّم منده مولایه سلامون
اولار مقبول ذات حق دعاسی
.
.
#حسینیه_مجید_امینی
#حسینیه_میلادیه
#جهانه_گلدی_خوشنود_ایتدی_ناسی
#ترکی
.
#زبدةالاشعار
.
: @nohe_torki
نظر دهید