مبعث
.
✍️ #زبدةالاشعار ✍️
.
🆔: @nohe_torki
.
#واصف_مرندی
.
حرادن جمال خدا گورسنور
دله جلوه ی دلربا گورسنور
صفای نماز ودعا گورسنور
مه صدره المنتها گورسنور
وقار شه انبیا گورسنور
.
.
نتیجه وئریب همت وزحمتی
کی هرزحمتین وار یقین حکمتی
دوتار عالمی سایه ی رحمتی
خبردار ادین عترتی امتی
ره مکه دن مصطفا گورسنور
.
.
کیم اولسا نداسینه لبیک گو
تاپار زند گیده یقین آبرو
حقیایقله کامل مطابقدی بو
واریندی اورگده اگر آرزو
بو مجلسده حاجت روا گورسنور
.
.
یاراشماز بونا باطل افسانه لر
حسادت چکر گورسه بیگانه لر
مساجد اولار دیر و کاشانه لر
تزلزل تاپار جمله بتخانه لر
کمالینده مدح رسا گورسنور
.
.
نه رحلت گونودی نه میلادیدی
فقط یوم تعلیم و ارشادیدی
برکات وعلمی خدادادیدی
بوگون گونلرین خیرالاعیادیدی
ثباتینده قدر و بها گورسنور
.
.
هدایت طریقینده رهبردی بو
شیاطینه تنها برابردی بو
امین عربدی پیمبردی بو
منادی الله و اکبردی بو
که اوصافی بی انتها گورسنور
.
.
جمالینده اما هدا نوری وار
مرامیندا وارسته منظوری وار
باشیندا نجات بشر شوری وار
زبان ثنا خوان ومشکوری وار
دیلینده ثنا ودعا گورسنور
.
.
قویاندا مصمم قدم تپراقا
یاییر نور وجه اللهین آفاقا
امینلیق مقامی تاپیب ارتقا
کیم اولسا غلامی دیللرآقا
که هر بیر لحاظدان آقا گورسنور
.
.
جهالتده برهم اولار پرده لر
الیندن ئوپر شاه سرکرده لر
سینار بند ظلمتده کی نرده لر
کماله چاتار معتقد برده لر
الینده کلید رها گورسنور
.
.
خدیجه خانم چیخدی پشوازینه
تماشا ادیب نور اعجازینه
یقین تاپدی اهدافینه رازینه
دئدی همسر پاک وممتازینه
جمالینده نور هدا گورسندر
.
.
بویوردی خدیجه به لطف خدا
اگر ایله سک دین دینی ادا
حقیقت اولار باطلیلن جدا
دئدی یا محمد سنه جان فدا
سسینده سوزونده صفا گورسنور
.
.
بویوردی اگر جمع اولا پنج تن
ساغیمدا علی صفدر وبتشکن
صولومدا قیزیم فاطمه شیر زن
صفا مجلسینده حسین وحسن
دیللر کی آل عبا گورسنور
.
.
علی باغلا سا دین یولوندا کمر
ادر راه عشقینده شق القمر
وررنخل اسلام آدیندان ثمر
نه بوبکر وعثمانیلر نه عمر
علی مرد مشکل گشا گورسنور
.
.
مباهات ادرسن بوتون عالمه
آنالیقدا فخرین اولار مریمه
قریشین شماداتینه غم یئمه
گلر عالمه بیر گونی فاطمه
کمالینده خیرالنسا گورسنور
.
.
دوغاربیر اوغول مجتبی نور عین
کی کامل ادا اولسون عالمده دین
ونور علی النور اولار عالمین
گلنده جهانه عزیزیم حسین
باشیندا حسینین بلا گورسنور
.
.
دئنن (واصفا》اویما بیگانیه
دیشمه بقا لذتین فانیه
یخل آستان حرمخانیه
قوتاردی رجب باشلا شعبانیه
ابولفضل الینده لوا گورسنور
.
.
.
#مبعث
#حرادن_جمال_خدا_گورسنور
#ترکی
.
✍️ #زبدةالاشعار ✍️
.
🆔: @nohe_torki
نظر دهید