حسین عشقی…
زبانحال حضرت زینب (س) در کوچ از #قتلگاه
.
✍️ #زبدةالاشعار ✍️
.
🆔: @nohe_torki
.
حاج اصغر فرشچی (عدلی تبریزی)
.
حسین عشقی اولامطرح می و میخانه لازم دور
طواف حُبّ عشق و ساقی و پیمانه لازم دور
.
حسینون عشقی دنیاده یانان بیر شمعدور سونمز
شرار عشق و هجرینده یانان پروانه لازم دور
.
حسین گل واژۀ عشقی ایدوبدور قانیلن معنی
بو عشق و واژه اسرارین بوله رندانه لازم دور
.
حسین دور محرم اسرار مسیح آسا ایدن اعجاز
وصالین آختاران یوسف گله کنعانه لازم دور
.
بیری گر دام امراضه اسیر و بی قرار اولسا
طبیب حضرت عشقه گله درمانه لازم دور
.
حسینیلن ایدن سودا گرک ایچسون می وحدت
طریق عشقیده گورسون جانا جانانه لازم دور
.
حسین معشوقینه چاتسون ایدوب بیر نهضت عالی
کیم اولسا سرخوش نهضت اونا شکرانه لازم دور
.
او سرخوشدان بیری لیلی دوشوردی آیری اکبردن
او تار عنبر افشانه گوروب دور شانه لازم دور
.
او سرخوشدان ربابیدی گوروب گهوارده اصغر
دیور لبیک بابا جنگه گیدم مردانه لازم دور
.
او سرخوشدان بیری عباس ، سو مشگین اوخلیوب دشمن
یانور اخیامیده اطفال صغیر عطشانه لازم دور
.
او سرخوشدان بیری زینب آدین سرلوح عشاقه
یازوب خالق دیوب عشقه فقط دردانه لازم دور
.
او گون که نور موسانی کسوب لر طور سیناده
گوروب دریا دونه امواجیله طوفانه لازم دور
.
شاخوب رعد محبت گوز سو ویردی آخدی باران تک
بوغولدی غم دنیزینده دئدی قربانه لازم دور
.
سو ویرسونلر صورا ذبح ایلسونلر قبلیه ساری
بو امره با وفا اولماق هامی انسانه لازم دور
.
ویروب قاضی شریح فتوا قتیل اشقیا اولدون
شرف سیز حاکم اسلام دوشه زندانه لازم دور
.
گل و گلزار عشقوندن سیچوب تر گوللری الله
قالان گول لر طراوتدن دوشر گلخانه لازم دور
.
گونوزطوفان گجه وحشت سکوت و آه و حسرتده
نه ائتسون زینبون قارداش اونا کاشانه لازم دور
.
وفالی باغبان اوللام گلستانه زغن قونماز
رُقیَّن تک گله بیر بلبل مستانه لازم دور
.
اسیر عشق اولار مندن گیدر قول باغلی تا شامه
دئیر عمّه اولام راحت منه ویرانه لازم دور
.
صبور اوللام حسین قهر زمانه داغدار ایتسه
اولا تا نهضت عالم گیر چاتا پایانه لازم دور
.
ایدوبدور عالمی مجنون حسین عشقی دایان #عدلی
داخی زنجیر زلفه باغلانان دیوانه لازم دور
.
.
#حسینیه_مدح
#حسینیه_شهادت
#کوچ_کربلا
#حسین_عشقی_اولا_مطرح_می_و_میخانه_لازم_دور
#ترکی
.
✍️ #زبدةالاشعار ✍️
.
🆔: @nohe_torki
نظر دهید