راز و نیاز حضرت امام حسین (ع ) در مصرع شهادت
..
..
قائمى
..
..
قدسیان گوردی حسین راز و نیاز اوستونده دی
امتی دلدن دعا ایلور نماز اوستونده دی
..
..
دل آچوب درگاه حقه عرض حاجات ایلوری
قانلو قوم اوسته خدائیله مناجات ایلوری
اهل افلاکی او شاهون جلوه سی مات ایلوری
شکوه ایتمور حضرت جانانه ناز اوستونده دی
..
..
عرض ایدور یا رب بوگون ئوز عهدیمه ایتدیم وفا
راه عشقونده سنون یتمیش نفر ویردیم فدا
بو حسین بو شمر دون بو قتلگاه کربلا
سویله مز بیر کس حسین، عشق مجاز اوستونده دی
..
..
من دیمم عشقونده یا رب نچه قربان ویرموشم
آلتی ایلوق بر بالا بو یولدا عطشان ویرموشم
سو یرینه گلستان دینه من قان ویرموشم
امر دین اجراسی دائم چشم ناز اوستونده دی
..
..
گوردولر بیر اوزگه حالیله دوشوب شاه زمن
گون قباقینده ایدور معبوده ئوز عشقین عَلَن
سو تاپولمور تا وضو تجدید ایده اول ممتحن
ئوز قانیله مقتلینده دستماز اوستونده دی
..
..
بیر وجودی که اولوبدى قانینه الله دیَه (1)
باشلیوب آخر نمازه قویدی آنّین سجدیه
باشلادی دلده اولان ئوز دردین اللهَّه دیَه (2)
درد دل ایتماقلیقی سوز و گداز اوستونده دی
..
..
عرض ایدوب عشقونده یا رب هر غمه صبر ایلرم
گوز یاشین عشق عالمینده بارش ابرایلرم
شیرخواره اوغلوما ئوز سینه می قبر ایلرم
سود امر سربازیم ایله امتیاز اوستونده دی
..
..
من سنیله باغلانان پیمانیمه ایتدیم عمل
قویمادیم اصلا همان پیمانیمه یتسون خلل
شیعه نی سنده بغشله اى خداى لم یزَل
سویگلون قربان او عشق سر فراز اوستونده دی
..
..
ایستوری عشق اوسته بوگون امتحان ویرسون حسین
دین اسلامه بقای جاودان ویرسون حسین
ویر شفاعت مژده سین آسوده جان ویرسون حسین
قلبیمون آرامی آخر بو جواز اوستونده دی
..
..
مصدر حقدن ندا گلدی حسینه بر ملا
هر نه منظورون اولا بو حالده قیللام روا
اختیار کُلّ ویردیم من سنه روز جزا
قاتلون باخما شقی دور حرص و آز اوستونده دی
..
..
بو مقدس نهضتونده روشن ایتدون عالمی
شیعیه چوخ امتیاز آلدون آزالدی چوخ غمی
نصب ایده للر کوی برزنده حسینی پَرچَمی
تا جهان واردور او پرچم اهتزاز اوستونده دی
..
..
«قائمی» مدتدی قبر با صفا مشتاقیسان
دلده گزلین دردینه شهدن دوا مشتاقیسان
هم مدینه هم نجف هم کربلا مشتاقیسان
مرغ دل گاهی عراق و گه حجاز اوستونده دی
..
..
(1) دیه : خونبها
(2) دیه : گفتگو
..
..
#حسینیه #قائمی #حسینیه_شهادت #ترکی #زبدةالاشعار
نظر دهید