حشره کیمین اونوتماروخ، عید غدیرى یا على! #حیدریه_سیدبشیرحسینی

غدیریه
.
✍️ زبدة الاشعار ✍️
.
🆔: @nohe_torki
.
سید بشیرحسینی میانجی
.
حشره کیمین اونوتماروخ، عید غدیرى یا على!
سن‏سن ازلدن آخره خلقین امیرى یا على!
.
مهر و وفا سپهرینه گوندو رسول مصطفا
برج ولایتین سنن بدر منیرى یا على!
.
قلبیمه یازمیشام آدین گول کیمى ایله‏ رم مدام
نئیلییره ‏م بو دهریده مشک و عبیرى یا على!
.
عالِم علم غیبسن، چشمه هر علوم‏سن
علم لدُنّیلن بیله‏ ن سرّ ضمیرى یا على!
.
گویده دئییبدى جبرئیل: یوخدى على کیمین جوان
دهریده ذوالفقاریوون یوخدى نظیرى یا على! (1)
.
آدیوه روحیمیز فدا، شأنیوه جانیمیز فدا
حق سنه واگذار ائدیب امر خطیرى یا على!
.
ایلدى جانشین سنى امر حقیله مصطفا
آگه ائدیب بو نکته‏ یه خرد و کبیرى یا على !(2)
.
غاصب اولوبدى حقّیوه ییرمى بئش ایل لعین‏لر
غصب اولونوب خلافتین تخت و سریرى یا على!
.
اى گئجه‏ لر یوزون قویان تپراقین اوسته آغلیان
جنگیده حىّ سرمدین غیضیلى شیرى یا على!
.
قاتلین ابن ملجمه ذرّه اذیّت ایتمه‏ دین
ساخلیان احترامیلن ائوده اسیرى یا على!
.
اولسا لیاقتیم منیم دامنیوى بوراخمارام
سن بیل حسینوین جانى قؤوما «بشیر» یا على
ـــــــــــــــــــ
1. «لافتى الا على لاسیف الّا ذوالفقار»
2. «من کنت مولاه فهذا علىٌّ مولاه»
.
.
#غدیریه
#حشره_کیمین_اونوتماروخ_عید_غدیرى_یاعلى
#ترکی
.
✍️ #زبدةالاشعار ✍️
.
🆔: @nohe_torki