مبعث
.
.
#سبک_دولدوروب_جهانی
.
.
مرحوم محمدحسن تابع دین
.
.
حضرت رسوله یتدی حکم یزدان
اوز رسالتون قیل عالمینه اعلان
ختم انبیا سنسن
کونه رهنما سنسن
ای حبیب داور (2)
.
.
جبرئیل یتیردی حکم لاینامی
عرض ائدوب خدانون بیر بئله پیامی
ائت رسالتون اظهار
خلقی جهلیدن قورتار
ای حبیب داور (2)
.
.
گوستر عالمینه سن رهِ سعادت
دین حقّه ایله خلقی سن هدایت
امّتون اولا آگاه
وار جهاندا بیر الله
ای حبیب داور (2)
.
.
تا یتور بو خلقه امر کردگاری
حقّه دعوت ایله فرقۀ شراری
بو کلام مُنزَلدی
شرحی چوخ مُفَصَّلدی
ای حبیب داور (2)
.
.
بو کتابه هر کیم ایلسه اطاعت
هر ایکی جهاندا وار اونا سعادت
گوندروب بونی الله
باخمیان اولار گمراه
ای حبیب داور (2)
.
.
ثابت ائت جهانه حقّه من حبیبم
گلسِتانِ دینه لایق عندلیبم
امید رجا سنسن
خلقه پیشوا سنسن
ای حبیب داور (2)
.
.
سنسن عالمینون علت حیاتی
سنسن اهل دینون کشتیِ نجاتی
دین حقه یاورسن
اهل دینه سرورسن
ای حبیب داور(2)
.
.
ایله سن بو خلقی امر حقه آگاه
ائتگیلن هدایت اولماسونلا گمراه
کفردن کنار ایله
حقّی آشکار ایله
ای حبیب داور (2)
.
.
«تابع دین» اولسا کیم یتوب مرامه
باخسا گر بو امرِ حیِّ لاینامه
بسدی هر ایکی دنیا
اولسا دینینه دارا
ای حبیب داور (2)
.
.
.
.
#مبعث
#حضرت_رسوله_یتدی_حکم_یزدان
#تابع_تبریزی
#ترکی
#زبدةالاشعار
#زبدةالاشعار 
: @nohe_torki . مرحوم احمد پورعطا (خادم تبریزی) . باغریمیز قان اولدی یاصاحب زمان فریاده گل الامان یاحجت الله الامان فریاده گل . . دولدوروب کفروضلالت یر یوزون مملو اولوب شیعیانون ظلملردنبیشتر
نظر دهید