حق رضاسینه قارداش عازم اولما میدانه #اکبریه_حقیر_خویی

وداع حضرت سکینه(س)با برادرش
.
زبدة الاشعار
.
: @nohe_torki
.
مرحوم میرزا عبدالوهاب حقیرخویی
.
حق رضاسینه قارداش عازم اولما میدانه
تاب ائدنمرم سنسیز بیر دقیقه هجرانه
.
.
چکمرم ئولونجه ال دامن وصالوندن
گوز گوتورمرم هرگز گل کیمی جمالوندن
بو تجلّی حُسنون قورخورام زوالوندن
چوخدی بو کمال حُسن احتمالی نقصانه
.
.
گور باخور نه حسرتله خیمه دن آنان لیلی
گورسه کاکلون اولموش زینت سنان لیلی
باشینه نه کول توکسون اوندا ناتوان لیلی
حقّی واردی مجنون تک یوز قویا بیابانه
.
.
دیده ی جهان بالله گورمیوب سنه مانند
بند حلقه ی زلفون دامنه اولوب دلبند
تار موی گیسوی مشگباریوه سوگند
قان اولور گوگل باتسا کاکلون قیزیل قانه
.
.
چون بو گئتماقی بولّم یوخ قیتماقی بولّم
گون کیمی یوزون هرگون گورمسم یقین ئولّم
مشکل امردور سندن بیردم آیریلام گلّم
هم رهون رکابوندا پاپیاده هریانه
.
.
سنده تشنه سن منده تشنه ام برادر جان
قالسادا مندن الده سهلدور قالام عطشان
ایسترم سنیله بیر عهد باغلیاق پیمان
ایلیاق وفا سنده منده عهد و پیمانه
.
.
بو سوسوز دلیمله من ایلیوم اؤزوم اقرار
ایچمرم سو ئولسمده تا نقدر عمروم وار
بو سفر خیالیندن سنده گئچ منی قورتار
بولمورم بو اقراره سنده راضی سان یا نه
.
.
قتلیوه مهیّادور شمریله سَنان قارداش
ئولدورر سنی گئتسن قوم کوفیان قارداش
رحم یوخ بو لشگرده گتمه الامان قارداش
چاره قیل من زار و بیکس و پریشانه
.
.
عازم شهادتسن بیله سرعتون واردور
نوجوانسان البته دلده حسرتون واردی
بیربه بیر بیان ایله هر وصیتون واردی
غیر آشنا کیمسه یوخ بو یرده بیگانه
.
.
بسکه آیریلوق فکری ایلیوب منی دلگیر
بو بلای هجرانه بولمورم نه دور تدبیر
ناله و فغانیمده آه قالمیوب تأثیر
بیر مگر گمانیم وار اشگ چشم گریانه
.
.
ایمدی که مهیّاسن گتماقا سنی تاری
آیریلوق زمانینده قوی دویونجا من باری
آغلیوم سالوم قاره باشیمه ائدیم زاری
چون کی شمر دون فرصت وئرمز آه و افغانه
.
.
هرچه ایستورم ضبط ناله ایلیم قارداش
راز عشق پنهانی اشگ دیدم ایلر فاش
بو گونی علی اکبر گورممیش ئولیدیم کاش
درده چوخ گمانیم یوخ بیر علاج و درمانه
.
.
قصّه ی علی اکبر چون یتیشمز اتمامه
تا که «حقیر»باقیدور عمردور گلن خامه
بلکه بو روسیاهله بیر سفید اولا نامه
مَن بَکیٰ حدیثیندن داخل اول بو عنوانه
.
.
#اکبریه_حقیر_خویی
#اکبریه_شهادت
#حق_رضاسینه_قارداش_عازم_اولما_میدانه
#ترکی
.
#زبدةالاشعار
.
: @nohe_torki