شهادت حضرت علی اصغر (ع) و زبانحال امام حسین (ع)
.
#زبدةالاشعار
.
: @nohe_torki
.
مرحوم بیضا اردبیلی
.
حُلق اصغردن اوپن اوچ شعبه پیکان آغلادی
عرش و فرش و لوح و کرسی حی سبحان آغلادی
.
.
بیر کسه درد و دلین ابراز قیلسون یوخ دلی
اصغرون عطشان بو غازین اُپدی آچسون اوخ دلی
آچمادی دیل زخودار ائتدی و لیکن چوخ دلی
اُپجک اوخ اوّلده اصغر گولدی اوندان آغلادی
.
.
یدّی حا ، میمون قیروب اوچ شعبه پیکان رشته سین
محکماتون ایلدی مستحکم امّا مهره سین
پخش ائدوب دنیایه قرآن مجیدون خوش سسین
مُنزل قرآنی محزون گوردی قرآن آغلادی
.
.
ترسینه دور ایلیوب دائم بو چرخون گردشی
بدو خلقتدن اولوب معکوس تقدیرون ایشی
البلاءُ للولانون وار منه چوخ ارزشی
مخزن اسرار حقده پیک جانان آغلادی
.
.
طوی گونی داماده دشمن اوخلارین شاباش ائدوب
ظلم بی پایانی حق بیضاسینه خفاش ائدوب
میزبانه بی زبان بیر کلمه سرّین فاش ائدوب
اولدی بو تقدیره لاهوت اهلی حیران آغلادی
.
.
من شه نباالعظیمم یوخدی منده کیف و کم
قتلیمه شورا ائدوبسوز بیلموسوز من ئولمرم
کل ّ شی هالک الا وجه ربک هو منم
بو ندای زنده نی شمر ائتدی اذعان آغلادی
.
.
باغ وصلتدن دروب گل شاد اولوب رب الفلق
محضر جانانه گوندردی او گلدن بیر طبق
لطفوه عرض ائتدی یا رب مستحقم مستحق
بیمناک اولدی بدادن شاه خوبان آغلادی
.
.
فوق ایدیهم ید اللهی دور اولماز بو زبون
وجه وجه اللهی گورمز فرقه لا یبصرون
ساخلیان سبع سماواتی حسیندور بی ستون
سالدی طوفان دللره منجی طوفان آغلادی
.
.
مست عین و شین و قافم مستِ وصلم مست یار
اکبره اکبر فدا وئردوم اولام پیوست یار
شوقیلن دامان وصلیمدن یاپشسون دست ِ یار
کوی عشقی سیر ائدوبدور گوی و چوگان آغلادی
.
.
جزر و مدّ ایلور گورب اطفالی بحر رنجیده
ماته دوشدی شه پیاده عرصه شطرنجیده
سرّ کنت کنز مخفی گورسنوب شش پنجده
فیلدن دوشجک وزیری کنز پیکان آغلادی
.
.
سینسا جان پیمانه سی سینماز بیلون پیمان عشق
محو اولور روز وصالیله شب هجران عشق
بلبلین گورسه آچار گل غنچه خندان عشق
غنچه خندان گل آچدی اولدی خندان آغلادی
.
.
جنس هستی دور ساتان من،سن آلانسان ای خدا
قابل بذل توجه اولسا بو بیع و الشرا
تاج عزّت باشینه قویسون بابام خیرالورا
شاد اولوب زینب او بی جانه گلوب جان آغلادی
.
.
توکدولر لاینقطع اوخلاری الله اوستونه
بیر غریب و بی کس و بی اقربا شاه اوستونه
شیر غرّانون ائدوبدور حمله روباه اوستونه
هدیه تقدیری گوردی شیر غرّان آغلادی
.
.
عالمه افشا ائدوب” بیضا “ید بیضاسینی
وئردی صیقل شعریلن تیز ائتدی طبعون داسینی
ارتحالینده ملک لر دوتدی گویده یاسینی
مجلس ترحیمینه گلدی عریفان آغلادی
.
.
#اصغریه_بیضا_اردبیلی
#اصغریه_شهادت
#حلق_اصغردن_اوپن_اوچ_شعبه_پیکان_آغلادی
#ترکی
.
#زبدةالاشعار
.
: @nohe_torki
نظر دهید