حکم اولدی بو گون شیعه سویولاری باغلاندی #فرات_علومی_تبریزی

بسته شدن راه آب فرات
..
..
..
..
علومی تبریزی
..
..
..
..
حکم اولدی بو گون شیعه سویولاری باغلاندی
لب تشنه قالوب دلدن یاندی بالالار یاندی
..
..
..
..
سعد او غلی ویروب فرمان دوتدی سو یولین اشرار
اشگ ترنی توکدی رخساره سوسوز قزلار
عرشه دایانوب ناله اود دوتدی گل و گلزار
پیغمبرین اولادی سو یوخدی پریشاندی
..
..
..
..
سو یولاری باغلاندی گوز یاشلاری قان اولدی
عطشان بالالار بیر بیر بی تاب و توان اولدی
دشمن سو یولین کسدی سو قیمتی جان اولدی
بو مشگل آل الله فکر ایلمه آساندی
..
..
..
..
بوش جام لر اللرده آغلاردی هامو یکسر
بر شربه سو اولمازدی عطشاندی هامو یکسر
آغلاردی سوسوزلوقدان شهزاده علی اصغر
نه سود نه سو ممکندی باخدوقجه آنا یاندی
..
..
..
..
گرمای هوا بیر یان ایلوردی هر آن شدت
وار هلهلۀ دشمن هر یانی دوتوب وحشت
یارب ندی بس چاره اولسون بالالار راحت
قرآن اوخویان قزلار هر تک تکی عطشاندی
..
..
..
..
گر چه هامو اطفالین عرشه اوجالور دادی
اصغر کیمی یوخ بیر کس اوج ایلیه فریادی
نچاره ایده یارب بس مادر ناشادی
دقتله نظر ایتسن اشگ بصری قاندی
..
..
..
..
گاهی آلور آغوشه اول غنچه گلی مادر
گهواره ده ایستر گه آرام ایده اول مضطر
گه اللرینی باغلور حسرتله باخور اصغر
اما گوروری بو گل چوخ ظلمیله خنداندى

..
..
..
#فرات #علومی_تبریزی #ترکی #زبدةالاشعار