زبدةالاشعار

گل گلزار رسالت بوگئجه #شب_عاشورا_محمود_صادری

شب عاشوا
.
.
✍️ #زبدةالاشعار ✍️
.
🆔: @nohe_torki
.
محمود صادری (پارسا)
استقبال از مرحوم صراف
.
«گل گلزار رسالت بوگئجه
شمردن ایستدی مهلت بوگئجه»
.
.
نه گئجه عالم محشر کیمی تار
خوف و تشویشه دوشوب خرد و کبار
نور اولوب دستخوش ظلمت و نار
چولقیوب عالمی ظلمت بو گئجه
.
.
قصد ایدوب مهلت آلا خسرو دین
افتخار و شرف اهل یقین
یغا اوز باشینه اهل حرمین
ایده قرآنی تلاوت بو گئجه
.
.
گوردی شاهنشه دین روح وفا
چولقیوب یر یوزینی جور و جفا
محو اولور رسم و ره صدق و صفا
باشلادی یاخشی سیاست بو گئجه
.
.
باخدی دینه سر و سامان ایستر
کربلا دشتی قیزل قان ایستر
تشنه لب قوچ قوزی قربان ایستر
مرشد عشق و طریقت بو گئجه
.
.
ایده اسلام آدینی پاینده
قالا اسلام و حقیقت زنده
ائتمیه مسلمی کافر بنده
محو اولا نام اسارت بو گئجه
.
.
دیدی اصحابینه سلطان حجاز
سیز سوز عالمده منه محرم راز
حضرت حقّه ائدن راز و نیاز
تاپاجاق عین سعادت بو گئجه
.
.
نوش ائدن بادۀ پیمانۀ عشق
یاناجاق چون پر پروانۀ عشق
قالاجاقدور آدی دیوانۀ عشق
چکه هر کیمسه ریاضت بو گئجه
.
.
قوردولار مجمع شورا او زمان
جمله اصحاب شهنشاه جهان
اولماقا راه خداده قربان
بیر بیره ویردی بشارت بوگئجه
.
.
هر بیری مست می بزم الست
اولدولار بادۂ ایمانیله مست
حق آدی دلده هامی حق پرست
ایتدیلر حقّی رعایت بو گئجه
.
.
صوت قرآن و مناجات و دعا
کربلانی بورویوب سرتاپا
«شهدا آدلارینا کلک قضا
یازدی فرمان شهادت بو گئجه»
.
.
سیر ائدوب تاج سر اهل یقین
خیمه گاهینده گوروبدور حرمین
«ام لیلایه بویوردی شه دین
سنده ویر اوغلوا زینت بو گئجه»
.
.
بولدی اولاد شهنشاه جهان
قوشونون نیّت شومین او زمان
«کربلا ایچره اولوب محشر عیان
گوئیا قوپدی قیامت بو گنجه»
.
.
العطش ناله سی عرشه اوجالوب
گل کیمی تشنه اوشاقلار سارالوب
«باغلانوب سو یولی لب تشنه قالوب
عترت شاه ولایت بو گئجه»
.
.
او که یازمشدی ازل کلک قضا
مانع اولموبدی اونا امر بدا
«دوتدی دنیا یوزونی موج بلا
داشدی دریای مصیبت بو گئجه»
.
.
باشدان اوز فکرلرین آتمادیلار
دین غمین اوزگه غمه قاتمادیلار
«بو گئجه آل على یاتمادیلار
شیعه یاتسون نئجه راحت بو گئجه»
.
.
دوزوری هر آنا گوهر یوزینه
تا باخور بیر مه انور یوزینه
«امّ لیلا باخور اکبر یوزینه
آپارور فیض زیارت بو گنجه»
.
.
توکوری گوز یاشی رخساره رباب
تاپمور اوز دردینه بیر چاره رباب
«عرض ائدر قادر قهاره رباب
ای خدا ایت بیزه نصرت بو گئجه»
.
.
تک سریّه دَگی داغلار اورگین
یاندیرار قلبین امام حسنین
«بیلمورم نیلدی بس تازه گلین
اونا یوز ویردی نه حالت بو گئجه»
.
.
هر آنا اوغلون ایدوب مد نظر
آغلوری چون بیلوری وقت سحر
گورونور محشر کبرادن اثر
روز حشره اولی آیت بو گنجه
.
.
تانیسون گوهری صراف گرک
آلدى فکریندن ابوالفضل کمک
سکّۀ جانه اولوب عشقی محک
تاپدی اوز شأنیجه قیمت بو گئجه
.
.
شیر یزدان بالاسی اشجع ناس
ضیغم بیشۀ غیرت عباس
صبحه تک خیمه ده ویردی اوزی پاس
اولا تا زینبی راحت بو گئجه
.
.
پارسا اولسا بیرینده انصاف
یا نقدری اولا بیلسه صراف
دیه جاق یاخشی بازوبدور صرّاف
اولا مستغرق رحمت بو گئجه
.
#شب_عاشورا_محمود_صادری
#صراف_تبریزی
#گل_گلزار_رسالت_بو_گئجه
#ترکی
.
.
✍️ #زبدةالاشعار ✍️
.
🆔: @nohe_torki

متن پیشنهادی:  تا باغلانوبدی بار بلا گوزلرم سنی #دخیل

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی