حالات حضرت زهرا (س)
.
✍️ #زبدةالاشعار ✍️
.
🆔: @nohe_torki
.
حاج حسین حسنی تبریزی
.
فاطمه محضر پیغمبره دعوتدور عم اوغلی
باشیم اوستونده گل اگلش هله فرصتدور عم اوغلی
.
.
آیریلوق وقتیدى ایتمه یوزه گوز یاشی روانه
گل اوتور صحبت ائداخ ای منه دلدار یگانه
سینه سینده آپارور فاطمه طاهایه نشانه
قنفذون ضربتیده آیری علامتدور عم اوغلی
.
.
نه وفادی بو جهاندا که منی سندن آیردی
صرصر باد خزان بلبلی گلشندن آیردی
دل زهرانی کباب ایتدی منی سندن آیردی
عاشقه مشگل اولان درد فراقتدور عم اوغلی
.
گیدوری فاطمه ایتمه یوزه گوز یاشیوی جاری
قویما مندن صورا گوز یاشلی قالا زینب زاری
جانشینیمدی منیم سالما نظردن سنی تاری
منه درد و غم و محنتده شباهتدور عم اوغلی
.
.
آناسیز قالدیلا دنیاده عم اوغلی حسنینیم
حسنه ایله محبّت که اودور نور دو عینیم
آغلارام قبریده گر آغلیا بیر وقته حسینیم
منه پیغمبر اکرمدن امانتدور عم اوغلی
.
.
من بو گون حسرتیله ترک ائدورم دار فنانی
اوز الونله گیجه ویر غسلومی دفن ایله نهانی
روحیمه غم یتیشور گلسه اگر اوّل و ثانی
سندران قلب بتولی او جماعتدور عم اوغلی
.
.
بو وصیّت گتوروب شیر خدا قلبینی درده
گوزلری دولدی سرشگیله توکولدی رخ زرده
گوردی زهرا اوجالور آه علی پرده به پرده
عرض ائدوب آغلاما هنگامۀ فرقتدور عم اوغلی
.
.
ایستدی خاطر محزونینی خشنود ایده زهرا
ساق الین قوزادی سیلسین او شهین گوز یاشین اما
صاقی قوزانمادی صول اللی ایدوب بو ایشی گویا
رمزیله حیدره آندیردی جراحتدور عم اوغلی
.
.
پوزدی بو منظره تا شیر خدا قلبینی اویدی
شیونه گلدی تن عاریه دن رختینی سویدی
گوردی گوز یاشلی الین سینه سینه فاطمه قویدی
یعنی اشگون هامی بیر درده طبابتدور عم اوغلی
.
.
اورگیم درده گلوب قوی الیوی سینمه آخر
وئر تسلّی علی جان علقۀ دیرینمه آخر
بولوسن صدمه یتوب ظلمیله گنجینمه آخر
منی هر لحظه سالان درده بو محنتدور عم اوغلی
.
.
ایسته دى قولونا أیتسون عمل أول قلبی شکسته
آپاروب قویدی علینون الینی سینه سی اوسته
دیدی بوندان صورا آرام دوتار بو دل خسته
آختاروردوم بئله بیر فرصتی مدّتدور عم اوغلی
.
.
(حسنی) بیزلره دلدن ایدور اظهار ارادت
بیزلره نوحه یازوب صدقیله گر ایلسه خدمت
اونا محشرده بو خدمت اولار اسباب شفاعت
مقصدی گرچه اونون بیرجه زیارتدور عم اوغلی
.
.
#فاطمیه_شهادت
#فاطمه_محضر_پیغمبره_دعوتدور_عم_اوغلی
#ترکی
.
✍️ #زبدةالاشعار ✍️
.
🆔: @nohe_torki
نظر دهید