زبدةالاشعار

درس عشقی اگر عاشقسن ایله ازبر اوخی #اصغریه_انور_اردبیلی

شهادت حضرت علی اصغر (ع)
«من بو گون صبح آچیلاندان چکورم اوخ یارادان»
.
✍️ #زبدةالاشعار ✍️
.
🆔: @nohe_torki
.
مرحوم انور اردبیلی
.
درس عشقی اگر عاشقسن ایله ازبر اوخی
عشق منشورینه باخ مطلبی جان پرور اوخی
.
.
ایسته سون قلبیوه تابش ایلیه جلوۀ نور
ایده سن روحووی تشجیع دولا مغزیوه شور
ایله تاریخچۀ زمرۀ عشاقه مرور
سرسری گیچمه اولوب رمزینه مستحضر اوخی
.
.
عشق بیر قوه دی انسانه شهامت گتورر
بیر همایون پر همادور که سعادت گتورر
صفت سلم و رضا صدق و صداقت گتورر
عشقی پس زورق انسانیته لنگر اوخی
.
.
گاهی عاشق گوروسن عشق ایلیوب ناره گیدر
گاه طوفانه دوشر گه دم منشاره گیدر
گه کسللر باشینی طشته گهی داره گیدر
عشقه هر عاشقی بیر نوعی نمایشگر اوخی
.
.
چوخدی لبیک دیوب حقه اولان بندۀ عشق
عاشق صادق و خونگرم و برازندۀ عشق
اولدی تکمیل حسین آدینه پروندۀ عشق
سلک عشاقه مبارک آدینی رهبر اوخی
.
.
ایسته سوک عشقیله عشق نجبادن دانشاق
وصف جانبازی مردان خدادن دانشاق
بیر حسین بیرده گرک کرب و بلادن دانشاق
من دیوم شرحینی سن سینوه یاز بهتر اوخی
.
.
کربلا عاشق و آزاده لرون مسکنی دور
خاتم العشق حسین ابن علی مدفنی دور
پیرهنسیز بدنون پوشش و پیراهنی دور
نرم توپراقینی دلداده لره بستر اوخی
.
.
عشق گنجینه سیدور شهرت شاهانه سی وار
سینه ده یتمیش ایکی گوهر دردانه سی وار
نیمه ساله صود امر عاشق مستانه سی وار
آدی اصغردی ولی رتبه سینی اکبر اوخی
.
.
شاه دین عشقین ئوزون ایستدی منتده قویا
بیر نمایش ویره عالملری حیرتده قویا
عالی بیر فلسفه نسل بشریتده قویا
کیم همان فلسفه نی درک ایده دانشور اوخی
.
.
صود امر عاشقی صودسوز آنادان آلدی او شاه
آخینان گوزلره سولموش یوزونه قیلدی نگاه
باشلادی عشق یولون قالدی آنا چشم به راه
بالا گئتسه آنانین همدمین اشک تر اوخی
.
.
یتیروب مرکز میدانه او دل سیز بالانی
دئدی قربانلاریمین تک بودی یارب قالانی
بیر کیچیک تحفه دی بو من ویره نی سن آلانی
مین اوغولدان منه بیر لطفیوی بالاتر اوخی
.
.
قالخیزوب اصغری ویردی سپه شامه نشان
دردین اظهار ایلدی اولدی قوشون اشک فشان
حق سوزون قویمادیلار ختم ایلسون حق دانیشان
آتدی بیر مرد قوی پنجه قوی پیکر اوخی
.
.
حقی واریدی ربابون گیجه گوندوز ملیه
اوتورا گون قاباغیندا یوزه اشکین الیه
اولمادی کیمسه ده وجدان دیه بیر حرملیه
قوی کمانون یره رد ایلمه ای کافر اوخی
.
.
خم قیلوب دیزلریوی چکمه بو قدرتده کمان
آتوسان ساده اوخ آت یوخدی حریفونده توان
نیلیور طفل زبان بسته و بی نطق و بیان
تیز پر پرلری برّا قلیجا بنذر اوخی
.
.
اوخ کماندان قوتاریب قیلدی مسیرینده شتاب
قورخولی یللر اسوب گون یوزینه سالدی نقاب
آچدی اصغر گوزونی خیمه ده دیسگیندی رباب
بالا خندان آنانی زار و سیه معجر اوخی
.
.
هاتف غیبی کأنّه دئدی ای بختی قرا
بیچدی بیر قرمزی دوشلوک بالاوا دست قضا
گوزلرون یومدی گوزوندن سنی آتدی او بالا
صودون اولمادی سنون امدی علی اصغر اوخی
.
.
نه صولا دوندی او پیکان هدفیندن نه صاقا
بلوسوز نیلدی هیچ دیجاخ او دلسیز اوشاقا
بوغازین پارچالادی اوزدی قولاقدان قولاقا
باورون اولماسا مقتللری سرتاسر اوخی
.
.
رشتۀ جان قریلوب پاره لنوب شاهرگی
نبضی ساکت ضرباندان دایانوبدور اوره گی
قیرمزی رنگ اولوب آغ دوشلوگی زیبا بلگی
بزه دی صورتین القان ایلدی زیور اوخی
.
.
بالاسی الده آتا باخدی اول دور و بره
صورا بیر باخدی اوخا یاره نی آلدی نظره
دوشدی بو فکره گله زحمت ایدن خاری دره
یارا زحمتده قالار چکمسه گوردی گر اوخی
.
.
نه گوزون یومدی حسین ویردی نه ابروسینه خم
نه الی اسدی نه دیز تیتردی عشق اولدی حکم
یوز دوتوب درگه حقه دئدی اول میر امم
سنون عشقونله الهی چکورم اوچ پر اوخی
.
.
من بو گون صبح آچیلاندان چکورم اوخ یارادان
مرحم و نسخه دواسی ابداً یوخ یارادان
سنی یاد ایلموشم چکموشم اوخ چوخ یارادان
بو اوخا لیک قیاس ایلماق اولماز هر اوخی
.
.
«انورا» تزکیۀ نفس ایله ویر قلبیوه نور
هر یارانمیش ایده جاخ کوی هلاکتدن عبور
کسوت کبردن عور اول ایلمه کبر و غرور
معرفت اخذ ایت حسینه ئوزووی نوکر اوخی
.
.
.
#اصغریه_انور_اردبیلی
#اصغریه_شهادت
#درس_عشقی_اگر_عاشقسن_ایله_ازبر_اوخی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ستون عرش خدا قائم از قیام محمّد #پیامبراسلام_شهریار

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی