دلیل راه وفا جان نثار جادۀ عشق

#فرشتگان_در_قتلگاه
#جبرائیل_در_قتلگاه
.
زبدة الاشعار

?: @nohe_torki
.
مرحوم قمری دربندی
.
دلیل راه وفا جان نثار جادۀ عشق
وئروب مذاکره بزمینده عالمه سرمشق
.
چو نور دیدۀ زهراشهنشه حرمین
شهیدلاله رُخ کربلا امام حسین
.
قوری یر اوسته جگر داغلی جسمی صد پاره
آخاردی قان یاراسیندان مثال فوّاره
.
دییردی درد دلین کردگار یکتایه
نه گوردی باشینون اوسته گوروندی بیر سایه
.
سؤال قیلدی که ای قیدیمه قالان کیمسن
بو گونده سایه باشیم اوستونه سالان کیمسن
.
او سایه صاحبی عرض ایلدی که یا مولا
منم بو گونده سنه نوکر اولماقا اولیٰ
.
او کیمسه یم که بو عالمده خون دل یمیشم
گئجه گونوز گلوبن لای لایووی دئمیشم
.
او کیمسه یم که اطاعت بئلینی باغلامیشام
بو دوغرانان بدنی سینه ام اوسته ساخلامیشام
.
که ای اولان آدی عرش خدایه پیرایه
او کیمسه یم وئروب اللّه منی سنه دایه
.
مقرّب حرم خالق جلیلم من
اولیدی کاش گوزوم کور جبرئیلم من
.
بویوردی حضرت روح الامینه شاه اُمم
بو سایه سالماقووا بیل یقین رضا دگلم
.
گوتور قنادوی لازم دگل منه سایه
رواق عرشیده جدیم دوروب تماشایه
.
گوتور قنادوی قوی چشمه چشمه قان آخسون
آتام یارالاریما ساق عرشیدن باخسون
.
.
.
محبوبیمون منیله محبت بناسی وار
معلوم اولور شفقت و مهر و وفاسی وار
.
معشوقیدن گرک یتشه عاشقه بلا
عاشق دگل او کیمسه بلادن هراسی وار
.
هر نه بلا گله ائدرم جانیله قبول
البته بو بلالرینون مدّعاسی وار
.
جانان یولوندا هر یارا بیر گُلدی عاشقه
گلزار سینه مون نه عجایب صفاسی وار
.
دورت مین یارا دگوب گینه آزدور بو سینیه
مین دفعه جانیله چکرم هر جفاسی وار
.
قیل بیرجه قتلگاه تماشاسی جبرئیل
باخ گور حسین تشنه لبون نه اساسی وار
.
قربانگهه خلیل آپاروب بیر فدا اگر
اما حسینه باخ نجه یتمیش فداسی وار
.
عباس نامداریمی قربان کسوبدولر
قولسوز دوشوبدی قانه بویانمیش لواسی وار
.
طوی دوتموشام بو دشتیده شهزاده قاسمه
یاخمیش الینه قانیله الوان حناسی وار
.
صدپاره دوغرانوبدی علی اکبریم سوسوز
تپراقلار اوستی نعشی دوشوب چوخ یاراسی وار
.
من قوی یانوم بو گون قباقیندا کباب تک
سال اکبر اوسته کولگه اوغلسوز آناسی وار
.
بیلمم سبب ندور منی گوزدن آتوب آنام
میدانه زینبیم گله بیلمز حیاسی وار
.
دورما اوزون یتور نجفه سؤیله یاعلی
اوغلون حسین ئولور سنه چوخ چوخ دعاسی وار
.
گل کربلایه باشیمی آل بیر دیز اوستونه
گورسونلر اهل کوفه علی تک آتاسی وار
.
غم گلشنینده«قمری»بی یار و خسته نون
فریاد وا حسینیله شور و نواسی وار
.

#قتلگاه
#حسینیه_شهادت
#محبوبیمون_منیله_محبت_بناسی_وار
#دلیل_راه_وفا_جان_نثار_جاده_عشق
#قمری
#ترکی
.
#زبدةالاشعار

?: @nohe_torki