دنیایه ایلیوبدى ازل پشت رو على #حیدریه_سیدبشیرحسینی

ضربت خوردن حضرت امیرالمومنین علیه السلام
.
#زبدةالاشعار
.
: @nohe_torki
.
سید بشیر حسینی میانچی
.
دنیایه ایلیوبدى ازل پشت رو على
وئردى جهاندا شیعه‏لره آبرو على
.
ساقىّ لم یزل اونى سیراب ائدوب ازل
علّت اودور کى ساقى کوثردى بو على
.
ظلمت زمانى کعبه‏ده گوز آچدى عالمه
عشق عالمین منوّر ائدوب ماه رو على
.
حبل المتین و حصن و حصیندور محبّتى
جنع محبّه معنى لاتقنطوا على
.
دریالر اولسا فرضاً اگر بیر سبو فقط
شأن و شرافتنده اولار مین سبو علی
.
اللَّه على دیلیجه دانشدى پیمبره
معراجیده گوروبدى ائدور گفتگو على
.
چوخلار دئدى خلیفه منم، ائتمدى عمل
اجراء ائدوبدى امر حقى موبه‏مو على
.
چوخلار چالشدى دینله قرآنى محو ائده
قرآن و دینه وردى ولى رنگ و بو على
.
ایرمى‏بش ایل اُتوردى ایوینده دانشمادى
صبر ائتدى قُوم گوزینده سوموک در گلو على
.
هیچ کسده جرأت اولمادى عدلیله‏ ایش گؤره
عدلیله ایلدى ستمى زیر و رو على
.
قاسمدى نار و جَنّته چون حُبّى جُنّه‏دى
جِنیله اِنسه رهبر اولوب نیک خو على
.
چوخ عاشقیدى یایدا اوروج توتماقا آقا
لذّت ائدردى قشدا آلاندا وضو على
.
اون‏دوقوزونجى آخشامى ماه صیامیده
چوخ چوخ ائدوردى ئولمگینى آرزو على
.
صبحین زمانى گلدى چخوب بام مسجده
دلدارى نصف شبده ائدور جستجو على
.
لحن حجازیلن شه مردان اذان دیوب
اى کوفیان نمازه دئدى عجّلوا على
.
گلدى هامى نماز جماعت شروع اولوب
دوردى نمازه کعبیه‏لن روبرو على
.
عطریله مشک و عنبر على‏دن آلوبدى ایى
مشغول اولوب نمازینه اول مشکبو على
.
شمشیرى ابن‏ملجم ایکى الّى قوزادى
باش سجده‏دن گؤتوردى ولى دیلده هو على
.
لال اول دلیم دئمه‏نه اولوب عرش تتردى
باشدان یارالانوب اوزمان حق گو على
.
فُزْتُ بِرَبِّ کعْبَه دئدى عالم آغلادى
محراب ایچنده قانه باتوب مشکمو على
.
تا واردى ابن‏ملجمه لعنت دییر «بشیر»
تا قلبین عشقیلن ائلیه شستشو على
.
#حیدریه_مدح
#حیدریه_شهادت
#قتلگاه
#دنیایه_ایلیوبدى_ازل_پشت_رو_على
#ترکی
.
#زبدةالاشعار
.
: @nohe_torki