ثروت عشق …
.
✍️ #زبدةالاشعار ✍️
.
🆔: @nohe_torki
.
.
موسوی زنجانی
.
بار الها بیزی هیچ دردیله بیمار ائلمه
مرد و نامرده و هر شرده گرفتار ائلمه
.
آقامیز عشقینه گر باده ایچوب مست اولدوخ
بیزی حشره کیمی مست ایله و هشیار ائلمه
.
بو ئورک ماتم ثاراللهه غمگین اولدی
آخرت ده بو سینان قلبیمی غمخوار ائلمه
.
بیز حسین عشقینه یاندوخ ولی ای رب جلیل
بیزی دنیاده و محشرده دم نار ائلمه
.
ای خدا سیندی ئورکلر سنه خاطردی یقین
سینه زن اللری غیرت دی لری خار ائلمه
.
بیز اگر ثروتی تاپدیخ یولوموزدان چیخدوخ
ثروت عشق کفایتدی که پولدار ائلمه
.
بو کشاکش ده که یوسف ساتیلور دجاله
نفسیم آللانما زره هیئتی بازار ائلمه
.
بیر فقط زینبه خاطردی که قدّیم خم اولور
بو قدی آیریسینا خم اولا ، تکرار ائلمه
.
اِنما آیه سینه چشم بصیرتله باخان
دیه جاق دور بیزی تطهیر ائله مردار ائلمه
.
ای میاندار بو بیرق علم زینبدی
لیک اهریمنه بو عرصه ده ابزار ائلمه
.
گرک آخسین گوزومون یاشی دیدوقجا یارالی
کور اولا گر قوروسا ذره ده نم دار ائلمه
.
یاتماز عالمده حسینون او صلابتدی آدی
یاتسادا دشمن شیعه اونی بیدار ائلمه
.
او تیکانلیقدا قاچان خیرداجا قیز هیچ دئمدی
بار الها یارالاندیم ، حالیمی زار ائلمه
.
بلی بو مکتبین اوچ یاشدا قیزی عالمه دی
بو بلالر ندی چوخ ؟پرسشه اصرار ائلمه
.
اصغرین حالتی آغلاتدی حسینی،دئمدی
منی بو چولده داخی غرق غم یار ائلمه
.
اولمادی زینب غم دیده بلادن فَرّار
دئدی گئت زینبی شرمنده دادار ائلمه
.
فقط آهسته حسین جان بو قدر قیلما شتاب
الیوی قوی سینه مه ، تشنه ی دیدار ائلمه
.
سن کی سهمین دی شهادت،آقاجان نوش اولسون
من شریکم ، باجیوی غافل از اسرار ائلمه
.
تانورام زینبی بیر جمله ی بی معنادی
#موسوی بیر بو خطانی داخی تکرار ائلمه
.
زینبین منزلتین حضرت سبحان دی بیلن
ضعف ادراکیوی بیل ضعفیوی انکار ائلمه
.
قلمون عمه ی ساداته گوره دم وورسون
طبعیوی ریزه خور سفره ی اغیار ائلمه
.
عشق معناسی مسلم دی حسین بن علی
والسلام آیری سوزی بیخودی گفتار ائلمه
.
#حسینیه
#زینبیه
#بارالها_بیزی_هیچ_دردیله_بیمار_ائلمه
#ترکی
.
✍️ #زبدةالاشعار ✍️
.
🆔: @nohe_torki
نظر دهید