زبدةالاشعار

شرف عالَم و آدم دی گئدیر معراجه #معراجیه #قیزیل_قلم

شب هفدهم ماه مبارک رمضان
«معراج نامه»
.
✍️ #زبدةالاشعار ✍️
.
🆔: @nohe_torki
.
قیزیل قلم
.
شرف عالَم و آدم دی گئدیر معراجه
سفره ی عشق فراهم دی گئدیر معراجه
حَرَمِ حرمته مَحرم دی گئدیر معراجه
شخصِ پیغمبرِخاتم دی گئدیر معراجه
.
.
اولدو اؤن یئددی گئجه ماه مبارک سپری
منتظردی بو ملاقاته بوتون جنّ و پری
گؤرمه ییب گؤرمه یه جک گؤی بئله زیبا بشری
حضرت ختم رُسُل گؤی لره سالدی گذری
حُبِّ محبوبه مصمّم دی گئدیر معراجه
شخص پیغمبر خاتم دی گئدیر معراجه
.
.
حق تعالٰی وئریب اؤز عرشینه زینت بو گئجه
ائیله ییب بنده سینی گؤی لره دعوت بوگئجه
آچیلیب یئر اوزونه باب کرامت بوگئجه
واردی مؤمن لره اسباب شفاعت بوگئجه
بو همان میرمعظّم دی گئدیر معراجه
شخص پیغمبرخاتم دی گئدیر معراجه
.
.
لیلِ اسرٰی ده باخین معجزه ی عظمایه
قٰاب قَوسین سؤزون مقطع اَوْ اَدنٰی یه
مبتدا و خبری درک ائله باخ معنایه
آفرین بیر بئله پیغمبر مَه سیمایه
دَمِ روح الله ـه همدم دی گئدیر معراجه
شخص پیغمبرخاتم دی گئدیر معراجه
.
.
مکّه دن اشرف مخلوق براق اولدو سوار
عزم ائدیب گؤی لره بیر لَمحِ بَصر صاعقه وار
سِیر ائدیب مسجدالاقصٰی نی او سالارِ کُبار
مصطفٰی ساحت اقدس ده تاپیپ استقرار
صاحب حجّت محکم دی گئدیر معراجه
شخص پیغمبرخاتم دی گئدیر معراجه
.
.
رف رف سبزایله یئددینجی گؤیه قؤیدو قدم
عرش اعلایِ خداونده ووروب سبز علَم
یئتیشیب مقصد والایه بوگون میر اُمم
قالمادی امَّتِ مرحومه یه نه غصّه نه غم
جسم ایله روح ایله توأم دی گئدیر معراجه
شخص پیغمبرخاتم دی گئدیر معراجه
.
.
سس دوشوب گؤی لره باخ یار گلیر دیداره
آخرین رحمت دادار گلیر دیداره
یارایلن احمد مختار گلیر دیداره
شبِ معراج دی دلدار گلیر دیداره
فیض دیدار فراهم دی گئدیر معراجه
شخص پیغمبرخاتم دی گئدیر معراجه
.
.
احد و احمد آراسینداکی اسرار ندیر؟
بو گؤزل دعوته آیا هدف یار ندیر؟
سِیر آفاق ایله اَنفس ده کی معیار ندیر؟
جبرئیلا دئ گؤره ک حاصل دیدار ندیر؟
فَتَدَلّٰیٰ ده مقدّم دی گئدیر معراجه
شخص پیغمبرخاتم دی گئدیر معراجه
.
.
مرحبا و فتبارک کَرَمِ آللهَ
اؤزو بیر رتبه وئریب شخص رسول اللهَ
شب معراج اولوب لطف ولیّ اللهَ
مرتضانی یئتیریب عزت و شأن و جاهه
چون ولایت له متمّم دی گئدیر معراجه
شخص پیغمبرخاتم دی گئدیر معراجه
.
.
سن ده«ستّاری»او مولایه مبارک سؤیله
بو گئجه کلّ مسلمانلاری تبریک ائیله
شب معراج خداوند وئرر یاخشی صِله
صلواتیله بو تبریکی دییه ک اهلِ دِله
کَرّم الله مکرّم دی گئدیر معراجه
شخص پیغمبرخاتم دی گئدیر معراجه
.
.
#معراجیه
#شرف_عالم_و_آدم_دی_گئدیر_معراجه
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  صاحب عصر میز عالمده امان اولسا گلر #مهدیه_احسان_بدرخانی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی