زبانحال حضرت ابوالفضل (ع)
.
✍️ زبدة الاشعار ✍️
?: @nohe_torki
.
اکبر ستاری (قیزیل قلم)
.
دوشدوقولسوزتُپراغاعطشان علمدارون حسین
تئزیئتیش امداده یالقیزدیرسپهدارون حسین
.
.
مشکیم اوخلاندی،عَلَم یاتدی،غمیم اُولدی قُوشا
جامِ اُمّیدیم داشادَگدی اَلیم چیخدی بُوشا
گؤزلریم دن قانلی یاش زمزم کیمی گَلدی جُوشا
تشنه لبلردن خجالت دور هوادارون حسین
.
.
گَل باشیم اوسته طبیبیم دردیمه درمان یئتور
اِی مسیحٰا دَم تَنِ مجروحه تازه جان یئتور
قِدمَتِ اِحسانووین مَدیونی یَم احسان یئتور
قسمتیم اولسون دوباره فیض دیدارون حسین
.
.
سعی ائله،احوالیمی،قارداش،سوسوزلاربیلمه سین
اوغلی،قارداشی،ئولنلر،تشنه قیزلاربیلمه سین
ذوب اولان وجدانیمی،یای فصلی،بوزلاربیلمه سین
تا نَفَس وار منده اِفشا ائتمه اَسرارون حسین
.
.
دشمنیم آرتیق شماتت ائیلییور تئزگَل داداش
سن گلینجه وئرمرم بو قومِ بَدفرجامه باش
وَقرووی سیندیرمادشمن باخساگؤزدن تؤکمه یاش
گؤرمه سین گؤزیاشووی غیرتلی سردارون حسین
.
.
نیزه،اوخ،شمشیر،خنجر،گؤزگؤزائتدی سینه می
داش ویرانلار،ظلمیله سیندیردیلارآیینه می
خیمه گاهه گَل آپار مشک ایله قانلی پرچمی
صبروئرسین قلبووه صَبّارِ دادارون حسین
.
.
بیرحلالیّت باجیم زینب دن آل بو علّته
چون امان نامه گلنده دوشدو قیزلار وحشته
عفو ّائله قارداش منه خاطر دوشورسن زحمته
باشیم اوسته کیم سیلر چشم گُهربارون حسین
.
.
اللریم اُولسیدی عشقیله سیلردیم گؤزیاشون
نئیله ییم شرمنده دور باب الحوائج قارداشون
من شهیداولدوم یولونداعرشه قوزانسین باشون
آغلاما دل دن دوشوب ایستکلی دلدارون حسین
.
.
من قیزیل قانه بویاندیم دین یولوندا ماحَصل
شاعریم الده«قیزیل دان بیرقلم»یازسین گؤزل
لطف ائله«ستّاری نون»شعری دولانسین اَل به اَل
اَجر آپارسین صدقیلن خُدّامِ دربارون حسین
.
#سبک_زینبم_جان_اوستیم ( 4 سبک )
.
#عباسیه_شهادت
#دوشدو_قولسوز_تپراغا_عطشان_علمدارون_حسین
#قیزیل_قلم
#ترکی
.
✍️ #زبدةالاشعار ✍️
?: @nohe_torki
نظر دهید