زبانحال حضرت حسین (ع) بجناب زینب (س)
در شهادت حضرت برادر
..
..
مرحوم شوری تبریزی
..
..
ای حسین قارداشینون غملرینون یاری باجی
قارداشون سندى بلى ئولدی علمداری باجی
..
..
باجی جان قلبیمی دوتدی نجه گور محنت و غم
ایویمی یخدی منیم ظلمیله بو قوم ظلم
اول اسیر اولماقا آماده باجی یاتدى علم
قالمیوب قارداشیوون بیر نفر انصاری باجی
..
..
دیمه بو غمده باجی جان سینمی داغلامادیم
نسگل اولدی منه چوخ گوزلرینی باغلامادیم
بیر دویونجا باجی من قارداشیما آغلامادیم
گل اولاخ ایمدی ابالفضلون عزاداری باجی
..
..
گل اوزون باری بو غمده سینوی داغلاگلن
توكولوب كول باشیوا باشه قراباغلا گلن
آنا تک اوخشا ابالفضلی باجی آغلا گلن
ای اولان محنت و غم غصه گرفتاری باجی
..
..
بو جفا اهلی منیم باعث اولور گوز یاشیما
توکدیلر ظلملن آخر باجی کوللر باشیما
نجه گور قویدولا حسرت منی اوز قارداشیما
قالمادی قارداشیوون کیمسه هواداری باجی
..
..
جمع ایله عترتیمی باشیمه سن ای باجی جان
اوخشیاخ قارداشیم عبّاسی ایداخ آه و فغان
بو مصیبت بلیمی بوکدی ایدوب باغریمی قان
قالمیوبدور بو حسینون داخی غمخواری باجی
..
..
قارداشیم ایتدی وفا عهدینه مقصوده چاتوب
پیکری باشدان ایاقه باجی جان قانه باتوب
دیه بولمم که ئولوبدور دیرم بلکه یاتوب
گوردوم اما یوخیدی جسمده قولاری باجی
..
..
یارالی جسمینه باخدیم یاراسی چوخ چوخیدی
یوخیدی سهلدى قول صاف یرى اصلا یوخیدی
نجه من شرح ایلیوم باشدان ایاقه اوخیدی
دوغرانوب هانسی شهون بیله سپهداری باجی
..
..
نجه من صبر و تسلّی ویروم آیا اوزیمه
ئوپوب اوّل یوزینی باشینی آلدیم دیزیمه
گوزلرین آچدی باخوب حسرتیلن بیر یوزیمه
گوردوم اولدم باشنون قانی اولور جاری باجی
..
..
بولوسن قارداشیمون ئولماقی مشگلدی منه
اؤزون انصاف ایله باخ گور نجه نسگلدی منه
من دیدیم وای یارالی لشگر کین گلدی منه
قلبیمه ویردی یارا کوفه نون اشراری باجی
..
..
چنگ ویر «شوری» حسینون بو علمدارینه سن
حاجتون واردی دیسن کرب و بلایه گیده سن
حرمینده ولی بو نوحه نی ازبر ایده سن
ای حسین قارداشنون غملرینون یاری باجی
..
..
#عباسیه #شوری_تبریزی #عباسیه_شهادت #ترکی #زبدةالاشعار
نظر دهید