زبانحال حضرت زهرا (س)
.
#سبک_ساخلا_ناقه_می_کاروانیدن (بیش از 8 سبک زنجیر و سینه زنی)
.
.
سید تقی سیفی اردبیلی
.
دوقّوز ایلدی بو ائوده من سنه
یار و همزبانم عم اوغلی جان
دوشموشم اودا ثابت ایلیم
حقّه جانفشانم عم اوغلی جان
.
.
.
هربلانی جانان روا بیلوب
تابع مقدّردی فاطمه
همسر اولماقیم آیری امریدور
جانفدای حیدردی فاطمه
مکتب حقیقتده رشد ائدوب
درس عشقی ازبردی فاطمه
من فدائیِ دین و مکتبم
عزّت آرمانم عم اوغلی جان
.
.
.
عالمه گرک ثابت ایلیم
من مرید عشقم، مراد علی
دین یولیندا چوخ خدمت ایلیوب
با وقار و نیکو نژاد علی
هر مکاندا سوز دوشسه حقیدن
منده سسلرم زنده باد علی
پشتوانۀ دینیم اولماقا
آتشین بیانم عم اوغلی جان
.
.
.
ائو گرکدی کانون مهر اولا
یار یارینه حرمت ایلیه
ئوز ایشینده عورت مدیر اولا
مُشکلاتینه طاقت ایلیه
صاحبی گلنده ائوه گرک
همسری اونا خدمت ایلیه
سن منی حلال ائت بو باره دن
زار و ناتوانم عم اوغلی جان
.
.
.
دوشموشم بلانون کمندینه
قید کینه و ظلمه بسته ام
قالمیوبدی یاراسی جسمیمون
جانه دویمشام زار وخسته ام
صید تیر صیاد جاهلم
مرغ عشق تک پر شکسته ام
حقی غصب ائدنلر چکوب اودا
یاندی آشیانم عم اوغلی جان
.
.
.
گور هاچاندی من روزگاریدن
بار محنت و غصه باغلارام
فکر ائوینده ئوز تیره بختیمه
شمع تک یانوب سینه داغلارام
اوستین آچمارام دل یاراسینون
گیزلین اوخشارام گیزلین آغلارام
آز زمان بو ائوده مسافرم
مقصده روانم عم اوغلی جان
.
.
.
عامل فسادی سقیفه نون
نار ابتلا ووردی گلشنه
من عزیزۀ مصفائیدوم
منزلیمده غم تاپدی دامنه
پادشاه ملک رسالتون
مزد خدمتین ویردیلر منه
تنگه گلمیشم درد الینده من
بس که بی امانم عم اوغلی جان
.
.
.
منشیِ قضا طالعی منه
غصّه دفترینده ووروب رقم
رحلت ایلیندن رسول حق
باشلانوب ملالیمده دمبدم
پشت درده الله بیلور علی
دامنیم یاناندا نه چکمیشم
یوخ بو غملرون منّتی سنه
مست لامکانم عم اوغلی جان
.
.
.
یاندی باب رحمت او لحظه که
گوردوم عمریمون میوه سین فنا
سینم اولدی آماج میخ در
باتدی ناگهان کوینگیم قانا
ایلدیم حیا سسلیم سنی
فضّه نی چاغیردوم یانا یانا
سسلنردی روحیم او حالیده
لحظه لحظه جانم عم اوغلی جان
.
.
.
یاخچی گورمدون پشت درده سن
چوب دست ظالم مغیره نی
بیلمورم اودون باعث اولدی یا
میخ در سالوب غشویه منی
غشوه دن بیر آز حاله گلجگین
گوزلریم گزردی فقط سنی
مسجده یول آچدیم دالونجا من
عشقه نکته دانم عم اوغلی جان
.
.
.
.
#فاطمیه_شهادت
#دوقوز_ایلدی_بو_ائوده_من_سنه
#سیفی_اردبیلی
#ترکی
.
.
نظر دهید