زبدةالاشعار

دولاندور شیعه بیر قلبون کنار جسره گل داده #کاظمیه_شانی_تبریزی

شهادت حضرت امام کاظم علیه السلام
.
✍️ زبدة الاشعار ✍️
.
🆔: @nohe_torki
.
سبک :: منیم ای تشنه قربانیم … بزن بر سینه و بر سر … ئوزوم گوردوم … حسین تعجیلیلن گیتمه … خداوندا الیم بوشدی …
.
مرحوم شأنی تبریزی
.
دولاندور شیعه بیر قلبون کنار جسره گل داده
اولوب تابوت بیر تخته غریب ملک بغداده
.
.
نجه تابوت نه تخته اولور فکرینده دل مبهوت
ایله تابوت مثلین گورمیوب بو عالم ناسوت
قویوب زهرانی گوزیاشلی ایله تخته ایله تابوت
توکر خلد برین ده ایمدیده اشگین گلر داده
.
.
بیله تشییع اولموب بیر شهه عالمده واویلا
او تشییعین دلیم عاجزدی اولسون شرحینه گویا
بیله معلوم تخته بیر در زندانیمیش گویا
دونر قانه گوگل سالدیقجا حال غربتین یاده
.
.
دگل بیجا دولوب گوگلوم سپاه غم له مالامال
او محنت موجیدور ایلوب بو ملک صبریمی پامال
دیللر گلدی اوچ گوندن صورا بیر تخته دورت حمال
روادور دورت غلام اولسون مُشیِّع شاه آزاده
.
.
بو تشییعیدی گور حال حیاتینده نلر چکدی
وفا گلزارینه تخم گل مظلومیت اکدی
اوز عصرینده بودا مظلومیتده واقعاً تکدی
عموسی مجتبا تک گلمیوبدور مثلی ایجاده
.
.
دیللراون بیر ایل هارون بو مظلومی ایدوب محبوس
نجه محبوسیدی اما بولن یوخدور اونی محسوس
مناجاتینده واضح دور حیاتیندن اولوب مأیوس
نجات ایستردی زنداندان خلاص اولسون بو دنیاده
.
.
امامین علمی حلمی قدرتی بیر جنبه دور ذاتی
او قدرت گور اولور آیا بو مظلومیت اثباتی
علاوه یاخشی بیر شاهد دی تغییر مناجاتی
دیله گلمز مصیبتلر مسلم دور او معناده
.
.
او شاعر که مسلط اولسا اخباره سوزین آزماز
ادب باغینده کی نخل وفانین ریشه سین قازماز
بیلر اوز بیلدیقین واضح بیان حال ایدوب یازماز
اشاره عرض ایدر همناله اولسون تا که زهراده
.
.
نه بیر عالم یازوب نه یازمالی سوزلردی مقتلده
نه بیر ذاکر دیوب نه ذکر اولوب بو قصه اولده
بیلراهل دل اولسا قصه نی شرح مجملده
گلنده مهدی غایب تاپار صورت او معناده
.
.
مصیبت چوخدی امّا شرحینه کیمده جسارت وار
دلیلی گرچه چوخ واضحدی مضمون زیارت وار
معذب اولماقا عیناً زیارتده عبارت وار
نصیب اولسون مزارینده دیاخ بیزده گلاخ داده
.
.
بونا سوز یوخدی دشت کربلاده روز عاشورا
وداعینده حسینین ظاهر اولدی محشر کبرا
او حاله ایمدیده آغلار ولیّ عصر هم زهرا
او چوللرده توکر گوز یاشینی بو خلد اعلاده
.
ولی موسی ابن جعفر بیر وداع ایتدی عیالیله
اولونموب بیر وداع اولسون جهاندا بیله حالیله
ئوزی مسموم بلکه محتضر حال رحالیله
علاوه اوت سالوب زهرین شراری اودلی اکباده
.
.
سالوب شهزاده لر شه دامنینه ئوزلرین بیربیر
دیردی ئوز دلینجه هر بیری ئوز سوزلرین بیربیر
دوتوب بوینون قوجاق لاردی ئوپردی یوزلرین بیربیر
ویرردی تسلیت شاه رئوف اطفال واولاده
.
.
بو نسگل اوسته یانّام آغلارام هرقدر عمریم وار
وداع ایتدی خواتینی حَرَم لَه سید ابرار
بالاجا قزلارین اما یوخودان ایتمدی بیدار
بیوک لر گور دوشر نه حالته آیا او اثناده
.
.
تصور قیل بو مطلب گور نچه بیر اودلی نسگلدی
اولور معلوم مطلبدن امام ئوز بولدوقون بیلدی
یوخودان خردا اطفالی اویاتسا گوردی مشکلدی
دوزوب صبر ایلسون هجران شاهه نازلی شهزاده
.
.
بو سوزلر شأنیا اولماز بشر فکرینده گُنجیده
یقین تأئید شه وار سنده شکر ایله او تأییده
فشار فقردن چوخ تنگه گلمه دوشمه تردیده
فشار قبریده موسی ابن جعفردور یتن داده
.
#سبک_علی_اصغر_مه_انور
(بیش از 7 سبک سینه و زنجیر)
.
.
.
#کاظمیه_شهادت
#دولاندور_شیعه_بیر_قلبون_کنار_جسره_گل_داده
#شانی_تبریزی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  مسلمی مامور ایدوبدور سرور دوران حسین #مسلمیه #آسال_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی