ولادت حضرت ابوالفضل (ع)
محبت سرور آزادگان حسین (ع) نسبت بحضرت ابوالفضل (ع)
..
..
مرحوم نخستین اردبیلی
..
..
دولوبدی قلبیمه مهر و محبتون قارداش
کشیده دور نه گؤزل سرو قامتون قارداش
..
..
باخاندا فخر ائدورم من او قدّ رعنایه
گشاده سینووه ابروی عالم آرایه
او سرو قد سالار باشیم اوستونه سایه
دوشوبدی یادیمه الان او ساعتون قارداش
..
..
لطیف سن او قدر که لطافتون واردی
اوزون قولون اوجا بیر سرو قامتون واردی
سنون حسینه نقدری محبتون واردی
آلوب قراریمی مهر و محبتون قارداش
..
..
..
آچوب باخاندا گوزون، اختیاریمی آلوسان
صود امموسن نیه، من اولمیاندا آج قالوسان
خیاله قارداشوون هانسی وقتینی سالوسان
نه وارصوده، نه سووا ، میل و رغبتون قارداش
..
..
دگوب هایاندا بو آب حیات لبلرووه
إئدوبدى خالق اونی التفات لبلرووه
دگنده آغلاما آب فرات لبلرووه
سوایچ بیر آزجا آزالسون حرارتون قارداش
..
..
او قاره قاشلاروون ذوالفقاره بنذری وار
حسینى مست إئلیوبدی خماره بنذری وار
جمالووون مهه ای ، ماه پاره بنذری وار
وجیهسن نه گوزلدور وجاهتون قارداش
..
..
چکوبدی صف قره مژگانلارون سپاهیمدی
یوماندا گوزلرووی باغلی خیمه گاهیمدی
بابام بویوردی اباالفضل منیم پناهیمدی
گلور بابام على تک جوشه غیرتون قارداش
..
..
إئدوبدى خلق الین چون جبین گشاده سنی
او قدری شاد اولورام من سالاندا یاده سنی
یتر مرامینه هر کیم چاغورسا داده سنی
کئچر اونا بیلورم من حمایتون قارداش
..
..
سوسوزلاراوندا دوروب سو سراغینه گله جک
سو آلماقا بالا قیزلار قوناقینه گله جک
الین رقیه قویوب گول دوداقینه گله جک
قاباقدا وار بئله غملو حکایتون قارداش
..
..
بیچنده خلعتی زیبا علی اکبریمه
سنون قولووا باخوم یا باخوم ئوز اللریمه
إئدن زمان سنى من سر سپاه لشگریمه
اولار خیامیده حفظ و حراستون قارداش
..
..
نه سن منى یادا سالما نه صود امر بالامی
سوسوزلوق اوندا گوررسن قویار ملر بالامی
سو عطرین آلسا گوررسن اوزی گولر بالامی
سوایچسه او سنون آرتار رضایتون قارداش
..
..
او شاهه من دیه بیلّم دیردی سربازم
آقا قوجاقووه آلدون منی سرافرازم
ئولونجه من سنیله هم دل و هم آوازم
واروندی نوکروه میل و رغبتون قارداش
..
..
قوجاقووه منی آلما حسین اوتاندیرما
نه لایلای دیمه نه مهد عشقه أل ویرما
کناره گئتمه منی درد هجره یاندیرما
نصیب اولوب منه اوّل زیارتون قارداش
….
..
..
#عباسیه #نخستین #عباسیه_میلادیه #ترکی #زبدةالاشعار
نظر دهید