زبانحال حضرت زینب(س) در شهادت مادر
..
..
مرحوم شوری تبریزی
..
..
سن سیز آنا بویتیم کلباش
هر لحظه توکر عذاره قانیاش
..
سن سیز دوشجاق بلایه زینب
هر آن گله جاق نوایه زینب
ناله سالاجاق سمایه زینب
سن سیز آنا بو یتیم کلباش
..
..
یاده سالارام غم و ملالون
یاددان نجه گور چخار بو حالون
غمدن سارالوبدی گل جمالون
سن سیز آنا بو یتیم کلباش
..
..
کیم سن تک آنا چکوب مشقت
آز عمریده چوخ گوروب مصیبت
بیر آن سنی قویمیوبلا راحت
سن سیز آنا بو یتیم کلباش
..
..
گلّم آنا هر زمان فغانه
اشگیم اولا عارضه روانه
قنفذ سنه ویردی تازیانه
سن سیز آنا بو یتیم کلباش
..
..
اولدون بو جهاندا بختی قاره
گلمز غم و محنتون شماره
گُل جسموی ایلیوبله پاره
سن سیز آنا بو یتیم کلباش
..
..
ویران اولا بو زمانه سن سیز
یانّام چکرم زبانه سن سیز
گلّم آناجان فغانه سن سیز
سن سیز آنا بو یتیم کلباش
..
..
سندن صورا هر غمه بویانّام
قارداشلاریمون غمینده یانّام
مجنون کیمی چوللری دولانّام
سن سیز آنا بو یتیم کلباش
..
..
گه یانّام آنا حسن غمینده
سالّام باشا قاره ماتمینده
یانین کَسَرم ئولن دمینده
سن سیز آنا بو یتیم کلباش
..
..
گه کرب و بلا چولونده عطشان
گورّم بو حسینوی ویروب جان
جسمی یارالی قالوبدی عریان
سن سیز آنا بو یتیم کلباش
..
..
گورّم او قدر ویروبلا یاره
گُل جسمی اولوبدی پاره پاره
گلمز آنا یاره سی شماره
سن سیز آنا بو یتیم کلباش
..
..
بولّم اولاجاق بو دل شکسته
اعدایه اسیر و دست بسته
شامه گیده جاقدی زار و خسته
سن سیز آنا بو یتیم کلباش
..
..
«شوری» آنا ایستوری زیارت
هم وسعت رزق هم تجارت
لطف ایت ایلسون بو ویردی عادت
سن سیز آنا بو یتیم کلباش
..
..
..
#فاطمیه #شوری_تبریزی #فاطمیه_شهادت #ترکی #زبدةالاشعار
نظر دهید