شهادت حضرت علی اصغر (ع)
.
#زبدةالاشعار
.
: @nohe_torki
.
ثابت اردبیلی
.
دینه قربان بو گلوم غنچه ده بسلندی باجی
اوخی پستان یرینه امدی هوسلندی باجی
.
.
روحی پرواز ایلیوب جنته یولاندی بو گون
بوغازیندان اوخی چکدیم اورگیم یاندی بو گون
دئ ربابه بالوون ماتمی باشلاندى بو گون
پرده پرده غم اصغر اورگه اندی باجی
.
.
شهدا دفترین اصغر قانی امضا ایلدی
اوچ پر اوخ حلق ظریفین باجی انشا بلدی
منی باش ورمگه مقتاده مهیا ایلدی
گوزلرین آچدی منه باخدی فرحلندی باجی
.
.
قانلو قونداقى الیم أوسته باشی آخدی دالا
رو به قبله ایلدوم جان وئره آسوده بالا
نه روادور آناسی اللری قوینوندا قالا
بالاسین دفن ایلدیم فاطمه دلبندى باجی
.
.
بالامون قاننی سپدیم باجی ضبط ایتدی هوا
بو قانی صاحب قان ایستیجک یوم جزا
فاطمه اللری اوسته آلاجاق باشدا قرا
اوخ دگنده بوغازیندان اودو سسلندی باجی
.
.
اصغرون حلقی باجی اوچ طرفه پارچالانوب
باخگلان اللریمه گور نجه قانه بویانوب
قارداشون خیمه قباقنده پریشان دایانوب
بو بیاباندا قیامت منه گورسندی باجی
.
.
دئ ربابه گیدوب اکبر یانینا سود امرون
گتدی اولدوزلاری افغانه هلالی قمرون
آخاجاق بوش بشیگه باخدیقجان اشک ترون
بالامون قاتلی قرآنمه دشمندی باجی
.
.
ال ایاق چاندی علی گولدى منه فرقۀ شام
اوخی آتدیم یره اؤپدوم یوزونی ئولدی بالام
اوره گیم یاره لریندن منه چوخدور بو یارام
کربلا گل لرینه باخگله گلشندی باجی
.
.
ثابتا دردوی دئ خرداجا قربانه بو گون
ایلدى اصغرون عشقی سنی دیوانه بو گون
اولاسان قبر حسین شمعینه پروانه بو گون
دیدی شاه شهدا گل اورگیم یاندی باجی
.
.
#اصغریه_ثابت_اردبیلی
#اصغریه_شهادت
#دینه_قربان_بو_گلوم_غنچه_ده_بسلندی_باجی
#ترکی
.
#زبدةالاشعار
.
: @nohe_torki
تسلیت آذربایجان 
نظر دهید