#پندیات_قرآن
.
#زبدةالاشعار
.
: @nohe_torki
.
مرحوم سید حسین کهنمویی ( #ریاضی_تبریزی )
.
دینی خالق گوندروب دنیانی آباد ایلسون
برده لیق زنجیرین آچسون خلقی آزاد ایلسون
.
.
ایلیوب قرآنی نازل امر ایدوب پیغمبره
درس قرآن خلقه ویرسون خلقی ارشاد ایلسون
.
.
حیف اولا بیر ملّتین قانونی بو قرآن اولا
درس دین اورگشمیه حیران و سرگردان اولا
کفری ترویج ایلیه دین شهری کفرستان اولا
وار یری خالق بیله بیر ملکی بر باد ایلسون
.
.
خالق عالم چکن گون آفرینش نقشه سین
مردم دنیایه تکمیل ایتدی دین پرونده سین
دوز یولی ویردی نشان آسوده ایتسون بنده سین
بو بشر ایستور که نا راحتلوق ایجاد ایلسون
.
.
گر جهان تقسیم اولا افراد خلقه بالسّوی
زوریله سهم ضعیفی غصب ایدر شخص قوی
دیندور ایجاد ایلیین بیر اتحاد معنوی
هرکسون ایرادی واردور گلسون ایراد ایلسون
.
.
گوردی خالق ابر ظلمتده قالوبدور ماه دین
وحی ایدوب پیغمبره دینی اولا آگاه دین
اورگدوب قرآنی آچسون خلقه دانشگاه دین
هر مسلمانی بو دانشگاهه استاد ایلسون
.
.
گلدی قرآن باغلادی عیسی و موسی مکتبین
مصطفی ده ختم ایدوب وحی و نبوت منصبین
عالمین قانونی دور مطلق بو قرآن مبین
دادگاه عدلی دنیاده آچوب داد ایلسون
.
.
ایلسه هر بیر بشر احکام قرآنی قبول
اولماسا بو هرج و مرج امر دنیادن ملول
سازش دنیای پر آشوبه حیراندور عقول
لطف حق ایستور بو غمگین دل لری شاد ایلسون
.
.
اولماز آسوده بشر احکام قرآن اولماسا
یر یوزی گورمز عدالت دین و ایمان اولماسا
مُجری قرآن اَلینده تیغ بُرّان اولماسا
ظالمین وار فرصتی هر ظلم و بیداد ایلسون
.
.
ایتدی فرمایش پیمبر اُمَّته ای اُمّتیم
وقت رحلت دور منیم باشه یتشدی مُدّتیم
بیر کلام الله امانت دور سیزه” بیر عترتیم
هر مسلمان نفسینی بو امره منقاد ایلسون
.
.
بیربیرندن عترت و قرآن که آیریلماز بیلون
سیز آیورساز سیزده ده بو حرمتوز قالماز بیلون
سایبان لطف حق سایه سیزه سالماز بیلون
بندیه واجبدی الله نعمتین یاد ایلسون
.
.
قویمیون سالسون منافقلر ایچیزده اختلاف
عترت و قرآن آراسیندا آچیلسون بیر شکاف
بو گناهه مرتکب اولماز گناهندن معاف
آتش دوزخ اونی واجبدور ایقاد ایلسون
.
.
حق یولی قرآن و عترتدور یولی کج گیتمیون
تابغ نفس اولمیون غصب خلافت ایتمیون
آلمیون زهرا الیندن مُلکنی انجیتمیون
قویمیون مندنصورا افغان و فریاد ایلسون
.
.
ایتدی پیغمبر وصیّت یومدی دنیادن گوزون
ایتمدی امت قبول اما اونون هرگز سوزون
ایمدی ده کفار الینده دستیگر ایلور اوزون
سعی و کوشش ایلوری کفاره امداد ایلسون
.
.
(کهنموئی) دین و قرآن دشمنیندن ایتمه باک
اوز الیله شخص بی دین اوز اوزین ایلر هلاک
حق سوزون نشر ایله ماقدا غافل اولماز مرد پاک
حق ویروب مهلت خطا نمرود و شدّاد ایلسون
.
.
#پندیات
#دینی_خالق_گوندروب_دنیانی_آباد_ایلسون
#ترکی
.
#زبدةالاشعار
.
: @nohe_torki
نظر دهید