راویسینین روایته چون وار درایتی #حضرت_رقیه_سعدی_زمان

حضرت رقیه سلام الله علیها
«نفوذ آب به قبر مطهر»
.
.
✍️ #زبدةالاشعار ✍️
.
🆔: @nohe_torki
.
مرحوم حسینی سعدی زمان
.
راویسینین روایته چون وار درایتی
بلدوم مناسب ذکر ایلیم بو روایتی
.
راوی بو حاله سید صالحدی شامیده
لازمدی منده ذکر ایلیم بزم عامیده
.
سویلر که بیر گئجه منه لطف ایلدی خدا
رؤیاده وئردی عین سعادت منه صفا
.
رؤیاده گوردوم عزت و ناموس معدنی
یعنی حسینه سوگلی نازلی رقیّه نی
.
گوردوم او خرداجا بالا چوخ ایلور آه و زار
فرمایش ایلوری منه ایلولّه انزجار
.
قبریم خراب اولوب منه لطف و عنایت ائت
تعمیرینه چالیش منی قبریمده راحت ائت
.
سیّد دیور یوخودان اویاندیم او حالیله
گئتدیم تفکره او زمان چوخ ملالیله
.
صبح اولدی بو قضیّۀ جانسوزه چکدیم آه
گلدیم خرابیه ایلدیم قبرینه نگاه
.
گوردوم که قبریده ابدا جای صدمه یوخ
رخنه یری گورونمدی حالیم پوزولدی چوخ
.
حیرتده قالدیم اوز یوخوما بو نه حالیدور
رؤیادی ای خدا گوره سن یا خیالیدور
.
القصّه اوچ گئجه منه تاکید ایدوب خانم
تعمیر قبر پاکینه تمجید ایدوب خانم
.
واجب بلوب اوچومچی گونی بر سبیل عقل
اشراف شامه ایلدیم اول ماجرانی نقل
.
ویرانیه یغیشدیلا اشراف شهر شام
نبش مزار محترمه ایلدوق قیام
.
آچدوق همان بالا خانیمین قبر پاکینی
ائتدوق کنار خشتینی هم سنگ و خاکینی
.
گوردوق سالوبدی رخنه سو اول قبر اطهره
سو ایلوری اذیّت او نسل پیمبره
.
جسمی سویون اؤزینده اوزور بیر بالیق کیمین
توضیح ایده او حالتی وار جرأتی کیمین
.
سیّد گوتوردی اللری استه او بی کسی
باخجاق وجودینه اوجالوب عرشه ناله سی
.
گوردی که صاقلیقی کیمی وار درد تازه سی
گویا که ایمدی دفن اولونوبدور جنازه سی
.
اما کفن اولونمیوب اول جسم اطهره
بیر کهنه کوینکیله قویوبلار همان یره
.
واردور یری دیسم قان ایدوب سرخ تربتین
سیلی یری ولیک قرالدوبدی صورتین
.
فکر ائتمه تربتین ایلیوب سرخ هانسی قان
آماده اول ائشیتماقا تا ایلیوم بیان
.
بیجا بو یرده زینبین اولموب قیامتی
سیّد باخاندا گوردی که وار چوخ جراحتی
.
خط خط سیاه رنگیدی جسم مطهری
مجروح ائدوبدی پیکرینی قمچی یرلری
.
بلدی شهید اولماقینا بو نشانه دور
جسمین یارالیان اثر تازیانه دور
.
بسدور «حسینی» یازما تمام ایله بو غمی
ایلر جزا گونینده شفاعت خانم اوزی
.
.
#حضرت_رقیه_سعدی_زمان
#حضرت_رقیه_شهادت
#راویسینین_روایته_چون_وار_درایتی
#ترکی
.
.
✍️ #زبدةالاشعار ✍️
.
🆔: @nohe_torki