باتما ای جمعه گونی
.
✍️ #زبدةالاشعار ✍️
.
🆔: @nohe_torki
.
سید بشیر حسینی میانجی
.
باتما ای جمعه نین آیدین گونَشی تئزدی هله،
تا گلن یار گله
سنده صبر ایله منیم تک گوزوون یاشین اله،
تا گلن یار گله
.
.
.
سن گئدوب باتماقیوا چوخدا تلَسمه یانورام،
یانورام اودلانورام
یاریدن رشته ی امّیدیمی کسمه یانورام،
یانورام اودلانورام
آیریلیق یئل لری تک قلبیمه اسمه یانورام،
یانورام اودلانورام
آیریلیق دردی چتیندی منه بیر چاره ائله،
تا گلن یار گله
.
.
.
باخورام یولاّرا تئز تئز او سواره گورونه،
ماه پاره گورونه
اوچ یوز اون اوچ نفری مثل ستاره گورونه،
درده چاره گورونه
کاش کی گوزلریمه گوزلری قاره گورونه،
او دوباره گورونه
آلمیشام جانیمی جانانیمه خاطر من اَله،
تا گلن یار گله
.
.
.
آلتی گون گوزلَه میشم جمعه گله یار گله،
وقت دیدار گله
گوزلورم صبحیدن اُول یار وفادار گله،
ماه رخسار گله
آفرینش ده اولان زینت گلزار گله،
گل بی خار گله
مغربه چاتماقا ای گون بئله ائتمه عجله،
تا گلن یار گله
.
.
.
گونی قایتار دالی یارب! دلِ دلداره گوره،
او گوزل یاره گوره
قایتاروبسان نئچه یول حیدر کراره گوره،
شه ابراره گوره
منده پروانه یم اُول شمع شب تاره گوره،
نورالانواره گوره
ائله مشغول «بشیر»ی گئنه خیرالعمله،
تا گلن یار گله
.
.
.
.
#مهدیه_سیدبشیرحسینی
#جمعه #روزجمعه #غروب_جمعه
#باتما_ای_جمعه_نین_آیدین_گونشی_تئزدی_هله
#ترکی
.
✍️ #زبدةالاشعار ✍️
.
🆔: @nohe_torki
نظر دهید