در مقام مادر
.
.
مصیبی تبریزی
.
.
.
زلال شبنم شمشاد و نسترن ننه دی
بهار گلشن عمره صفا وئرن ننه دی
.
محبت اولدوزی برج وفاده اولسا آتا
حقیقتاً ولی خورشید انجمن ننه دی
.
او باغباندی کی گر گورسه گوللری سولوری
اگر کی لازم اولا خار الین ئوپن ننه دی
.
وجوب حرمتی اولاد ایچون عیان یازیلوب
حصار مرحمت حیِّ ذوالمنن ننه دی
.
بالالارین باشینا سایۀ صفانی سالان
وجودی بید کیمی غصه دن اسن ننه دی
.
ائو اهلی نین بیری آیریلسا هر زمان آنادان
فراق اودوندا یانوب محنته دوشن ننه دی
.
بالاسینین ایاقیندان تیکاندا باتسا اگر
وجودینه شرر غصه اود چکن ننه دی
.
ائو اهلی تنگه گلن درده ده اگر دوشسه
بالالارینا گوره عشقیلن گولن ننه دی
.
او شیره کی جانینون نقدینه بها یازیلوب
او شیره نی بالانین آغزینا توکن ننه دی
.
ئولن زمانیده حتی حریره بوک بدنین
یاراشمیَن بئله بیر قامته کفن ننه دی
.
فقط بو دهریده فکر ائتمه حالیوه یانوری
کی قبر ائوینده ده اولاده آغلیَن ننه دی
.
((مصیّبی))شرفُ الشمس عشقین اولسا آتان
حقیقتاً که عقیق خود یمن ننه دی
.
.
#مادر #مصیبی_تبریزی #ختم_خوانی #ترکی #زبدةالاشعار
زبدة الاشعار 
: @nohe_torki . ستار رزاقی . اولوبدی گلشن عمرون نه تیزخزان آناجان منی بو غصه وغم ایتدی باغریقان آناجان . سنون فراقیوه صبح و مسا بو عالمده نجه من ایلمیوم اشگیمیبیشتر
نظر دهید