زبانحال حضرت زینب سلام الله علیها در شهادت مادر
..
..
سبک #سبک_یارالی_جان_یارالی … 4 سبک #سبک_شهریاریمسن_آقا … #سبک_کربلا_منتظر_ماست …
..
..
مرحوم شوری تبریزی
..
..
زینبون گوز یاشی آخماز آنا جان اوز باشنا
آناسیز قزلارین عالمده اولور کول باشنا
..
..
یاده سالام اوگچن گونلریوی صبح و مسا
باخارام بوش یریوه اود دوتارام یانام آنا
گلرم نالیه هر آن ایدرم شور و نوا
آناسیز قزلارین عالمده اولور کول باشنا
..
..
آناجان دلخوشدوم من بو جهاندا سنیلن
نه اولوب قطع علاقه ایلدون سن منیلن
قویدون عالمده بو خونین جگری شیونیلن
آناسیز قزلارین عالمده اولور کول باشنا
..
..
عمرون آز اولدی سنون زحمتون اما چوخ اولوب
خاطرون لالۀ نعمان کیمی قانیله دولوب
سن کیمی هانسی گلون رنگی بو نوعیله سولوب
آناسیز قزلارین عالمده اولور کول باشنا
..
..
دیمه سندن صورا هجرانوی آسان سانارام
باخارام سن دولانان یرلره دلدن یانارام
دیرم وای آنام ایوای دوتوب اود اودلانارام
آناسیز قزلارین عالمده اولور کول باشنا
..
..
بو غم و درد و محن گور نجه دلدن سیلینی
فرقتون بوکدی آتام شیر خدانون بلینی
کیمی واردور دیسون آیا کیمه درد دلینی
آناسیز قزلارین عالمده اولور کول باشنا
..
..
آتامون صبرینه عالم هامی مبهوت قالوب
صبر دریاسیدی هجران ولی آرامین آلوب
ایله آغلور که سسی ولوله افلاکه سالوب
آناسیز قزلارین عالمده اولور کول باشنا
..
..
هر قدر جور و ستم ایتدی عدو دوزدون آنا
آغلادون چولده ولی ایودن الون اوزدون آنا
گجه لر ایوده یوزه درّ بصر دزدون آنا
آناسیز قزلارین عالمده اولور کول باشنا
..
..
آنا سندنصورا بولّم داخی گولمز بو یوزوم
نقدر جاندا نفس وار قالی آغلار بو گوزوم
باشیمه هر نه گله تاب ایدرم یوخدی سوزوم
آناسیز قزلارین عالمده اولور کول باشنا
..
..
بولورم واردی قاباخدا سفر کرب و بلا
گوررم من او مکاندا آنا هر نوعی بلا
قارداشیم تشنه ویرر جان دیرم ایوای اخا
آناسیز قزلارین عالمده اولور کول باشنا
..
..
بو آنان فاطمیه «شوری» بِلون باغلاگیلن
بیر به بیر حاجتیوی ایسته سینه داغلاگیلن
اوز مزارینده گیدوب بو سوزی دی آغلاگیلن
آناسیز قزلارین عالمده اولور کول باشنا
..
..
..
#فاطمیه #شوری_تبریزی #فاطمیه_شهادت #ترکی #زبدةالاشعار
نظر دهید